VijayaBhaskar
హైదరాబాద్ : మాట‌ల మాంత్రికుడు దర్శకుడు త్రివిక్రమ్ శ్రీ‌నివాస్ ద‌ర్శ‌క‌త్వం వ‌హించిన చిత్రం ఆదర్శ కుటుంబంపై అంచ‌నాలు మరింత పెరిగాయి. ఇప్ప‌టికే విడుదల చేసిన ట్రైలర్ , పాట‌కు మంచి ఊపు వ‌చ్చేలా చేసింది. ఇదిలా ఉండ‌గా ఇప్ప‌టి వ‌ర‌కు సినిమాకు సంబంధించి కీల‌క అప్ డేట్ వచ్చింది. మొద‌ట‌గా చిత్ర బృందం 2వ తేదీన విడుదల చేయాల‌ని అనుకున్నారు. కానీ శుక్ర‌వారం కీల‌క ప్ర‌క‌ట‌న చేశారు నిర్మాత నాగ‌వంశీ. ‘ఆదర్శ కుటుంబం’ విడుదల తేదీని మరోసారి ధృవీకరించారు. అక్టోబర్ 9న విడుదల కానుందని మరోసారి స్పష్టం చేశారు. ఈ సినిమా ట్రైలర్ అక్టోబర్ 6న విడుదల కానుండగా, అడ్వాన్స్ బుకింగ్స్ 7న ప్రారంభం కానున్నాయి. టాలీవుడ్‌లో ఎంతో ఆసక్తిగా ఎదురు చూస్తున్న ‘ఆదర్శ కుటుంబం’ చిత్రం, దసరా పండుగ సందర్భంగా భారీ స్థాయిలో విడుదలయ్యేందుకు సిద్ధమైంది.
వాస్తవానికి ఈ సినిమా 2న విడుదల కావాల్సి ఉన్నప్పటికీ పోస్ట్-ప్రొడక్షన్ పనుల్లో జాప్యం కారణంగా విడుదల తేదీని తర్వాతి శుక్రవారానికి వాయిదా వేయాల్సి వచ్చింది. అయితే, ఈ సినిమా విడుదల మరింత ఆలస్యమై నవంబర్ లేదా డిసెంబర్‌కు వాయిదా పడవచ్చని కొందరు ఊహాగానాలు చేశారు. సినిమా ప్రచార కార్యక్రమాలు జోరుగా సాగుతున్నప్పటికీ, విడుదల తేదీ మళ్లీ మారవచ్చని చాలామంది భావించారు. అందుకే చిత్ర బృందం సోషల్ మీడియా వేదికగా విడుదల తేదీని మరోసారి ధృవీకరించడంతో పాటు, ట్రైలర్ విడుదల తేదీని కూడా తమ తాజా ట్వీట్ ద్వారా వెల్లడించింది. రెండు తెలుగు రాష్ట్రాల్లోని కుటుంబాల్లో అడ్వాన్స్ బుకింగ్స్ ఓపెన్ అవుతాయి. కాబట్టి త్రివిక్రమ్, వెంకటేష్‌ల ఆదర్శ కుటుంబం ట్రైలర్‌ను 6న లాంచ్ కానుంంది. ఇక 7న అడ్వాన్స్ బుకింగ్స్ స్టార్ట్ కావ‌డం ప‌క్కా అని ప్ర‌క‌టించారు నాగ‌వంశీ.
