ల‌డ్డూల అమ్మకంలో రికార్డ్
శ్రీ‌వారి జ‌న‌వ‌రి నెల‌లో రికార్డు స్థాయిలో ఆదాయంతిరుమ‌ల – కోరిన కోర్కెలు తీర్చే కొంగు బంగారంగా వినుతి కెక్కిన తిరుమ‌ల పుణ్య క్షేత్రం అరుదైన ఘ‌న‌త‌ను సాధించింది. ఒక‌టి కాదు రెండు కాదు ఏకంగా కోటికి పైగా శ్రీ‌వారి మ‌హా ప్ర‌సాదంగా భావించే శ్రీ‌వారి ల‌డ్డూల‌ను విక్ర‌యించింది. అంతే కాకుండా అయోధ్య లోని శ్రీ‌రామ మందిరం సంద‌ర్బంగా ఉచితంగా భ‌క్తుల‌కు ల‌క్ష‌కు పైగా ల‌డ్డూల‌ను పంపిణీ చేసింది.
ఇక జ‌న‌వ‌రి నెల‌లో రికార్డు స్థాయిలో శ్రీ‌వారి హుండీ ఆదాయం ల‌భించింది. ఈ విష‌యాన్ని టీటీడీ ఈవో ఏవీ ధ‌ర్మా రెడ్డి తెలిపారు. మొత్తం 21.09 ల‌క్ష‌ల మంది భ‌క్తులు శ్రీ‌వారిని ద‌ర్శించుకున్నార‌ని వెల్ల‌డించారు. హుండీ కానుకులు రూ. 116.46 కోట్లు వ‌చ్చాయ‌ని, 1.03 కోట్ల ల‌డ్డూల‌ను విక్ర‌యించిన‌ట్లు పేర్కొన్నారు.
ఇక అన్న ప్ర‌సాదానికి సంబంధించి 46.46 ల‌క్ష‌ల మంది స్వీక‌రించార‌ని, 7.05 ల‌క్ష‌ల మంది త‌ల‌నీలాలు స‌మ‌ర్పించార‌ని స్ప‌ష్టం చేశారు ఈవో ఏవీ ధ‌ర్మా రెడ్డి. ఇక ర‌థోత్స‌వం సంద‌ర్బంగా భ‌క్తుల‌కు ఎలాంటి ఇబ్బందులు త‌లెత్త‌కుండా చ‌ర్య‌లు చేప‌ట్టిన‌ట్లు తెలిపారు.
