పెరుగుతున్న పాజిటివ్ కేసులు
న్యూఢిల్లీ – నిన్న‌టి దాకా ప్ర‌శాంతంగా ఉన్న స‌మ‌యంలో ఉన్న‌ట్టుండి మ‌రోసారి ప్ర‌భావాన్ని చూపుతోంది కరోనా. రోజు రోజుకు పాజిటివ్ కేసులు పెరుగుతుండ‌డంతో కేంద్ర స‌ర్కార్ అప్ర‌మ‌త్తమైంది. ఆయా రాష్ట్రాల‌కు ఇప్ప‌టికే ఆదేశాలు జారీ చేసింది. కరోనా పట్ల జాగ్ర‌త్త‌గా ఉండాల‌ని సూచించింది. ప్ర‌తి ఒక్క‌రు ముందు జాగ్ర‌త్త‌గా మాస్క్ లు ధ‌రించాల‌ని సూచించింది.
ఇదిలా ఉండ‌గా గ‌డిచిన 24 గంటల్లో కోవిడ్ పాజిటివ్ కేసులు నమోదు కావ‌డం గ‌మ‌నార్హం. వీటిలో అత్యధికంగా కర్ణాటకలో 279 కేసులు నమోదు కాగా, మహారాష్ట్రలో 61, కేరళలో 54 కేసులు నమోదయ్యాయి..
దీంతో మొత్తం దేశంలో యాక్టివ్ కేసుల సంఖ్య 4,049కి చేరిందని కేంద్ర ఆరోగ్య మంత్రిత్వ శాఖ వెల్ల‌డించింది. గత 24 గంటల్లో ఆరుగురు కరోనా కారణంగా మృతి చెందారు. ఈ నేపథ్యంలోనే 889 మంది కరోనా నుంచి కోలుకున్న‌ట్లు తెలిపింది. ఇక జేఎన్ఐ సబ్ వేరియంట్‌ కారణంగా రోజువారీ కేసుల సంఖ్య క్రమంగా పెరుగుతోందని జాగ్ర‌త్త‌గా ఉండాల‌ని హెచ్చ‌రించింది.
మరోవైపు దేశవ్యాప్తంగా మరణాలు సంఖ్య కూడా క్రమంగా పెరగడం పట్ల ప్రజల్లో భయాందోళన మొదలైంది. అంతేకాదు చల్లని వాతావరణ పరిస్థితుల నేపథ్యంలో ఈ వైరస్ మరింత విస్తరిస్తోందని ఆరోగ్య నిపుణులు అంటున్నారు.
