VijayaBhaskar
అంద‌రినీ ఆశ్చ‌ర్య ప‌రిచిన సీఎం సతీమణి
చిత్తూరు జిల్లా : ఏపీ సీఎం నారా చంద్ర‌బాబు నాయుడు భార్య నారా భువనేశ్వరి చిత్తూరు జిల్లాలో ప‌ర్య‌టించారు. ఈ సంద‌ర్భంగా కుప్పం నియోజ‌క‌వ‌ర్గంలో జ‌రిగిన జ‌ల‌హార‌తి కార్య‌క్రమంలో పాల్గొన్నారు. రైతుల సంక్షేమ‌మే కూట‌మి ప్ర‌భుత్వ ల‌క్ష్య‌మ‌ని స్ప‌ష్టం చేశారు. వ్యవసాయం దండుగ కాదు పండుగ అని పేర్కొన్నారు. సీఎం చంద్ర‌బాబు రాష్ట్ర అభివృద్ది కోసం రేయింబ‌వ‌ళ్లు ప‌ని చేస్తున్నార‌ని, రోజుకు 18 గంట‌ల‌కు పైగా క‌ష్ట ప‌డుతున్నార‌ని తెలిపారు.
ప్ర‌భుత్వం ప్ర‌తిష్టాత్మ‌కంగా మ‌హిళ‌ల కోసం ప్రవేశపెట్టిన స్త్రీ శక్తి ఉచిత బస్సు ప్రయాణ పథకాన్ని సతీమణి నారా భువనేశ్వరి వినియోగించుకున్నారు. ఆధార్ కార్డు చూపించి, ఫ్రీ టికెట్ పొంది, శాంతిపురం నివాసం నుంచి తుమ్మిసి వరకూ బస్సులో ప్రయాణించారు. మహిళలతో మాట్లాడి ఉచిత బస్సు ప్రయాణం గురించి తెలుసుకున్నారు. వారంతా కూట‌మి స‌ర్కార్ కు, ప్ర‌ధానంగా సీఎం చంద్ర‌బాబు నాయుడుకు ధ‌న్య‌వాదాలు తెలిపారు. దీని వ‌ల్ల త‌మ‌కు ఇబ్బందులు త‌ప్పాయ‌న్నారు.
