శ‌శాంక్ సింగ్ సెన్సేష‌న్

కోల్ క‌తాకు చుక్క‌లు

కోల్ క‌తా – కోల్ క‌తా నైట్ రైడ‌ర్స్ తో జ‌రిగిన కీల‌క లీగ్ మ్యాచ్ లో పంజాబ్ కింగ్స్ ఆకాశ‌మే హ‌ద్దుగా చెల‌రేగింది. 262 ప‌రుగుల ల‌క్ష్యాన్ని సునాయ‌సంగా ఆడుతూ పాడుతూ ఛేదించింది. ఐపీఎల్ చ‌రిత్ర‌లోనే కాదు ప్ర‌పంచంలోని అన్ని లీగ్ మ్యాచ్ ల‌లో భారీ స్కోర్ ను ఛేదించ‌డం ఇదే తొలిసారి కావ‌డం విశేషం.

మైదానంలోకి వ‌చ్చీ రావ‌డంతోనే పంజాబ్ కింగ్స్ ఆక‌లి కొన్న పులుల్లా రెచ్చి పోయారు. కోల్ క‌తా బౌల‌ర్ల‌ను తొలి బంతి నుంచే దాడి చేయ‌డం మొద‌లు పెట్టారు. దీంతో ఒకే ఒక్క మ్యాచ్ లో ఏకంగా ఇరు జ‌ట్లు క‌లిసి 37 ఫోర్లు 42 సిక్స‌ర్లు బాదాయి. ఇది కూడా చ‌రిత్ర‌నే.

ఈ మ్యాచ్ గురించి ఎంత చెప్పినా త‌క్కువే. అత‌డు సినిమాలో భ‌ర‌ణి చెప్పిన‌ట్టు వాళ్లు మగాళ్లు రా బుజ్జీ అన్న‌ట్టుగా చెల‌రేగి పోయారు. చ‌రిత్ర సృష్టించారు. కేవ‌లం 18.4 బంతుల్లో ప‌ని పూర్తి కానిచ్చేశారు. జానీ బెయిర్ స్టో 48 బంతుల్లో 8 ఫోర్లు 9 సిక్స‌ర్ల‌తో 108 ర‌న్స్ చేశాడు.

ఇక యంగ్ క్రికెట‌ర్ శ‌శాంక్ సింగ్ కేవ‌లం 28 బంతులు మాత్ర‌మే ఎదుర్కొన్నాడు. 68 ప‌రుగులు చేశాడు. ఇందులో 2 ఫోర్లు 8 సిక్స‌ర్లు ఉన్నాయి. ఓపెన‌ర్ ప్ర‌భ్ సిమ్రాన్ సింగ్ కోల్ క‌తాకు చుక్క‌లు చూపించాడు. 20 బంతులు మాత్ర‌మే ఎదుర్కొన్న ఈ క్రికెట‌ర్ 54 ర‌న్స్ చేశాడు. ఇందులో 4 ఫోర్లు 5 సిక్స‌ర్లు ఉన్నాయి