మ‌హిళ‌ల ప‌ట్ల అనుచిత వ్యాఖ్య‌లు చేస్తే చ‌ర్య‌లు

హైద‌రాబాద్ : మహిళల పట్ల జరిగే అక్రమ ప్రవర్తన లేదా చట్ట ఉల్లంఘనల విషయంలో తెలంగాణ పోలీసులు ‘జీరో టాలరెన్స్’ (కఠినమైన) విధానాన్ని పాటిస్తారని స్ప‌ష్టం చేశారు సైబ‌రాబాద్ సిటీ పోలీస్ క‌మిష‌న‌ర్. మాజీ ఎమ్మెల్సీ కవిత కు వ్యతిరేకంగా ఒక పోలీస్ కానిస్టేబుల్ అసభ్యకరమైన కంటెంట్‌ను పోస్ట్ చేశారనే ఫిర్యాదు ఇటీవల అందింది. ఈ ఘటన జరిగిన వెంటనే, సివిల్ సర్వీసెస్ ప్రవర్తనా నియమావళి (Civil Services Conduct Rules) ప్రకారం సదరు పోలీస్ సిబ్బందిని సస్పెండ్ చేయడం జరిగింది. హైదరాబాద్ పోలీస్ కమిషనర్ (CP) నుండి ప్రాథమిక విచారణ నివేదిక అందిన తర్వాత, అంతర్గత శాఖాపరమైన విచారణను ప్రారంభించి, నిబంధనల ప్రకారం తగిన శిక్ష విధించ బడుతుంది.

శాఖా పరమైన చర్యలతో పాటు, క్రిమినల్ చర్యలు కూడా ప్రారంభించబడ్డాయి. హైదరాబాద్ సైబర్ క్రైమ్స్ పోలీస్ స్టేషన్‌లో, కె. అనిల్ (పోలీస్ కానిస్టేబుల్) పై భారతీయ న్యాయ సంహిత (BNS)లోని సెక్షన్లు 75, 79 , ఇన్ఫర్మేషన్ టెక్నాలజీ చట్టంలోని సెక్షన్ 67 కింద కేసు (Cr. No. 589/2026) నమోదు చేయబడింది. ప్రాథమిక విచారణలో, సదరు వ్యక్తి తన సొంత మొబైల్ ఫోన్ ద్వారా అభ్యంతరకరమైన కంటెంట్‌ను పోస్ట్ చేసినట్లు తేలింది. ఆ పరికరాన్ని స్వాధీనం చేసుకుని, పరిశీలన కోసం ఫోరెన్సిక్ సైన్స్ లాబొరేటరీ (FSL)కి పంపడం జరిగింది. నమోదు చేసిన సెక్షన్ల ప్రకారం చట్టపరమైన తదుపరి చర్యలు తీసుకోబడతాయి. సస్పెన్షన్ ఉత్తర్వు మరియు FIR కాపీ కింద జత చేయబడ్డాయని తెలిపారు సీపీ.