ప‌ల్నాడులో పోలీసులు విఫ‌లం
మండిప‌డ్డ మంత్రి అంబ‌టి రాంబాబు
గుంటూరు జిల్లా – రాష్ట్ర నీటి పారుద‌ల శాఖ మంత్రి అంబ‌టి రాంబాబు కీల‌క వ్యాఖ్య‌లు చేశారు. అసెంబ్లీ, సార్వ‌త్రిక ఎన్నిక‌ల సంద‌ర్బంగా భారీ ఎత్తున సంఘ‌ట‌న‌లు చోటు చేసుకున్నాయి. దీనిపై ఎందుక‌ని మౌనంగా ఉన్నారంటూ ప్ర‌శ్నించారు పోలీసుల‌ను.
రాష్ట్రంలో శాంతి భ‌ద్ర‌త‌ల‌ను కాపాడ‌టంలో పూర్తిగా వైఫ‌ల్యం చెందారంటూ ధ్వ‌జ‌మెత్తారు. మంగ‌ళ‌వారం ఆయ‌న మీడియాతో మాట్లాడారు. దీని వ‌ల్ల త‌మ పార్టీకి చెందిన వారిపై టీడీపీ , జ‌న‌సేన, బేజేపీ కూట‌మికి చెందిన అల్ల‌రి మూక‌లు దాడుల‌కు పాల్ప‌డ్డాయ‌ని ఆరోపించారు.
ప్ర‌త్య‌క్షంగా త‌మ పార్టీని ఎదుర్కోలేక చిల్ల‌ర రాజ‌కీయాలు చేస్తుండ‌డం దారుణ‌మ‌న్నారు. ఎన్నిక‌లు ప్ర‌శాంతంగా జ‌రిగేందుకు త‌మ ప్ర‌భుత్వం అన్ని ఏర్పాట్లు చేసింద‌ని పేర్కొన్నారు అంబ‌టి రాంబాబు. లా అండ్ ఆర్డ‌ర్ ను కంట్రోల్ చేయ‌డంలో ఎందుక‌ని ఫోక‌స్ పెట్ట లేక పోయారంటూ ప్ర‌శ్నించారు.
ఆరు నూరైనా వైసీపీ తిరిగి అధికారంలోకి రావ‌డం ఖాయ‌మ‌ని జోష్యం చెప్పారు. ఇందులో ఎలాంటి అనుమానం అక్క‌ర్లేద‌న్నారు.
