14న గోవింద రాజ స్వామి పుష్ప యాగం

శాస్త్రోక్తంగా నిర్వ‌హించేందుకు ఏర్పాట్లు

తిరుపతి – తిరుపతిలోని ప్ర‌ముఖ పుణ్య క్షేత్రం శ్రీ గోవింద రాజ స్వామి వారి ఆలయంలో జూన్ 14వ తేదీన శాస్త్రోక్తంగా పుష్ప యాగం జరుగనుంది. ఇందు కోసం 13వ తేదీ సాయంత్రం 6.30 నుండి 8 గంటల వరకు అంకురార్పణ నిర్వహిస్తారు.

ఇందులో భాగంగా జూన్ 14న ఉదయం 9.30 నుండి 11 గంటల వరకు శ్రీదేవి భూదేవి సమేత శ్రీ గోవింద రాజ స్వామి వారి ఉత్సవర్లకు స్నపన తిరుమంజనం నిర్వహిస్తారు. ఇందులో పాలు, పెరుగు, తేనె, పసుపు, చందనం, కొబ్బరినీళ్ల‌తో అభిషేకం చేస్తారు.

మధ్యాహ్నం 1 నుండి 4 గంటల వరకు పుష్ప యాగం వైభవంగా జరుగనుంది. ఇందులో తులసి, చామంతి, గన్నేరు, మొగలి, మల్లె, జాజి సంపంగి, రోజా, కలువలు వంటి పలురకాల పుష్పాలతో స్వామివారికి అభిషేకం చేస్తారు.

ఈ సంద‌ర్బంగా విశేష పూజ‌లు నిర్వ‌హించేందుకు ఏర్పాట్లు చేసింది తిరుమ‌ల తిరుప‌తి దేవ‌స్థానం పాల‌క మండ‌లి (టీటీడీ).