ప‌వ‌న్ క‌ళ్యాణ్ అనే నేను
ఏపీ డిప్యూటీ సీఎంగా ప‌వ‌ర్ స్టార్
అమ‌రావ‌తి – ఆంధ్ర‌ప్ర‌దేశ్ రాష్ట్ర ఉప ముఖ్య‌మంత్రిగా జ‌న‌సేన పార్టీ చీఫ్ , ప‌వ‌ర్ స్టార్ కొణిదెల ప‌వ‌న్ క‌ళ్యాణ్ ప్ర‌మాణ స్వీకారం చేశారు. ఆయ‌న‌తో గ‌వ‌ర్న‌ర్ అబ్దుల్ న‌జీర్ ప్ర‌మాణం చేయించారు. అంత‌కు ముందు ఏపీ సీఎంగా టీడీపీ చీఫ్ , కూట‌మి నేత నారా చంద్ర‌బాబు నాయుడు కొలువు తీరారు. ఈ కార్య‌క్ర‌మానికి విశిష్ట అతిథిగా దేశ ప్ర‌ధాన మంత్రి న‌రేంద్ర దామోద‌ర దాస్ మోడీ హాజ‌ర‌య్యారు.
బుధ‌వారం ఏపీలోని అమ‌రావ‌తి ఐటీ పార్కు ప్రాంగ‌ణంలో అశేష జ‌న‌వాహిని స‌మ‌క్షంలో సీఎం, డిప్యూటీ సీఎంలుగా బాబు, ప‌వ‌న్ ప్ర‌మాణ స్వీకారం చేయ‌డం విశేషం.
ఈ కార్య‌క్ర‌మానికి దేశ, విదేశాల నుంచి అతిర‌థ మ‌హార‌థులు హాజ‌ర‌య్యారు. రాజ‌కీయ, సినీ , క్రీడా రంగాల‌కు చెందిన వారు ప్ర‌ధాన ఆక‌ర్ష‌ణ‌గా నిలిచారు. ఇదిలా ఉండ‌గా ప్ర‌ధాని మోడీ సంతోషంతో చంద్ర‌బాబు నాయుడును ఆలింగ‌నం చేసుకోవ‌డం విశేషం.
అభివృద్దే ధ్యేయంగా ఏపీ ఇక నుంచి ముందుకు వెళుతుంద‌ని ప్ర‌క‌టించారు కొత్త సీఎం నారా చంద్ర‌బాబు నాయుడు. ఎలాంటి ప్ర‌లోభాల‌కు తావు ఇవ్వ‌కుండా పాల‌న సాగుతుంద‌న్నారు. ఇది ప్ర‌జా కేబినెట్ అంటూ అభివ‌ర్ణించారు.
మొత్తం 24 మందితో కేబినెట్ ను రూపొందించారు. అంత‌కు ముందు కేంద్ర మంత్రులు అమిత్ చంద్ర షా, జేపీ న‌డ్డా, బీఎల్ సంతోష్ అర్ధ‌రాత్రి వ‌ర‌కు చ‌ర్చించారు. తుది జాబితాను క్లియ‌ర్ చేశారు. ఇవాళ తెల్ల వారుజామున ప్ర‌క‌టించారు.
