జూలై 1 నుంచి ప‌వ‌న్ ప‌ర్య‌ట‌న
పిఠాపురం నియోజ‌క‌వ‌ర్గంలో తిష్ట
అమరావ‌తి – జ‌న‌సేన పార్టీ చీఫ్ , డిప్యూటీ సీఎం ప‌వ‌న్ క‌ళ్యాణ్ జూలై 1 నుంచి తాను ప్రాతినిధ్యం వ‌హిస్తున్న పిఠాపురం నియోజ‌క‌వ‌ర్గంలో ప‌ర్య‌టించ‌నున్నారు. అదే రోజు సాయంత్రం పిఠాపురంలో వారాహి సభ నిర్వహిస్తారు.
తనను గెలిపించిన పిఠాపురం నియోజక వర్గ ప్రజలకు కృతజ్ఞతలు తెలియ చేస్తారు. మూడు రోజుల పాటు పిఠాపురంతో పాటు ఉమ్మడి తూర్పు గోదావరి జిల్లాలో పలు అధికారిక కార్యక్రమాలలో పాల్గొంటారు.
కాకినాడ జిల్లా అధికారులు, పిఠాపురం నియోజకవర్గ అధికారులతో అభివృద్ధి, సంక్షేమ కార్యక్రమాలపై సమీక్షిస్తారు ప‌వ‌న్ క‌ళ్యాణ్. నియోజకవర్గ అభివృద్ధి, మౌలిక సదుపాయాల కల్పనపై ప్రత్యేకంగా సమావేశం కావాలని నిర్ణయించారు.
ఇదే స‌మ‌యంలో జూన్ 29వ తేదీన తెలంగాణ ప్రాంతంలో అత్యంత పేరు పొందిన కొండ‌గ‌ట్టులో వెలిసిన ఆంజ‌నేయ స్వామిని ద‌ర్శించుకుంటారు. అక్క‌డ పూజ‌లు నిర్వహిస్తారు. అనంత‌రం ఇక్క‌డికి తిరిగి వ‌స్తారు.
