గరుడ వాహనంపై సుందరరాజ స్వామి
ముగిసిన అవతార మహోత్సవాలు
తిరుపతి : తిరుచానూరు శ్రీ సుందర రాజ స్వామి వారు శనివారం రాత్రి గరుడ వాహనంపై ఆలయ నాలుగు మాడ వీధుల్లో విహరించారు. స్వామి వారు భక్తులకు అభ‌యం ఇచ్చారు. ఆలయంలో మూడు రోజుల పాటు జరిగిన శ్రీ సుందర రాజ స్వామి వారి అవతార మహోత్సవాలు ఘనంగా ముగిశాయి.
ఈ సందర్భంగా మధ్యాహ్నం శ్రీ కృష్ణ స్వామివారి ముఖ మండపంలో శ్రీ సుందర రాజ స్వామి వారికి వైభవంగా అభిషేకం చేశారు. ఇందులో పాలు, పెరుగు, తేనె, కొబ్బ‌రినీళ్ళు, పసుపు, చందనంతో వేడుకగా స్వామి వారికి నిర్వహించారు.
సాయంత్రం శ్రీకృష్ణ స్వామి వారి ముఖ మండపంలో ఊంజల సేవ నిర్వహించారు. రాత్రి స్వామి వారు గరుడ వాహనంపై ఆలయ మాడ వీధుల్లో భక్తులకు దర్శనమిచ్చారు.
ఈ కార్యక్రమంలో ఆలయ డెప్యూటీ ఈవో గోవింద రాజ‌న్, సూపరింటెండెంట్ శేషగిరి, అర్చ‌కులు బాబుస్వామి, టెంపుల్ ఇన్స్పెక్టర్లు సుభాష్, గణేష్, ఏవిఎస్ఓ సతీష్, ఇతర అధికారులు పాల్గొన్నారు.
