శ‌భాష్ పోలీస్ ..ఫ్యామిలీ సేఫ్
ప్ర‌శంసించిన రాచ‌కొండ క‌మిష‌న‌ర్
హైద‌రాబాద్ – భారీ వ‌ర్షం హైద‌రాబాద్ ను ఉక్కిరి బిక్కిరి చేసింది. ఎడ తెరిపి లేకుండా కురుస్తున్న వ‌ర్షాల తాకిడికి జ‌న జీవ‌నం అస్త‌వ్య‌స్తంగా మారింది. ఎక్క‌డిక‌క్క‌డ రోడ్ల పైకి నీళ్లు చేరాయి. కిలో మీట‌ర్ల పొడ‌వునా వాహ‌నాలు నిలిచి పోయాయి. ట్రాఫిక్ జామ్ ఏర్ప‌డింది.
ఇదిలా ఉండ‌గా హైద‌రాబాద్ లోని వనస్థలిపురం పోలీసులు ఓ కుటుంబాన్ని కాపాడారు. వర్షపు ఉధృతి పెర‌గ‌డంతో వ‌న‌స్థ‌లిపురంలోని నాలా లోకి కారు దూసుకెళ్లింది. దీంతో స‌కాలంలో స‌మ‌య స్పూర్తితో వ్యవహరించారు ట్రాఫిక్ పోలీసులు. ముగ్గురు చిన్నారుల‌తో సహా కుటుంబాన్ని కాపాడారు .
హయత్ నగర్ కు చెందిన వినోద్ తన భార్య పిల్లలతో సహా కుటుంబ సమేతంగా ఎల్బీనగర్ వైపున‌కు జోరు వాన లో కారులో వెళ్తుండగా, వనస్థలిపురం పనామా చౌరస్తా దగ్గరకు రాగానే వరద ఉధృతి కి కారు అదుపు తప్పింది. పక్కన ఉన్న వర్షపు నీటి నాలా లోకి దూసుకొని వెళ్లింది.
అక్కడే విధుల్లో ఉన్న వనస్థలిపురం ట్రాఫిక్ సి.ఐ వెంకటేశ్వర్లు, కానిస్టేబుళ్లు సైదులు, శ్రీనివాసరావు గమనించి సమయస్ఫూర్తితో వ్యవహరించారు.
కారులో ఉన్న ముగ్గురు చిన్నారుల తో సహా కుటుంబము మొత్తాన్ని సురక్షితంగా కాపాడారు. వరద ఉధృతి పూర్తిగా తగ్గిన తర్వాత ట్రాఫిక్ సి.ఐ. లు వెంకటేశ్వర్లు, శ్రీనివాస్ రెడ్డి భారీ క్రేన్ సహాయంతో నాలాలో ఇరుక్కొన్న కారును బయటకు తీయించారు.
కుటుంబాన్ని కాపాడిన ట్రాఫిక్ పోలీసుల‌ను రాచ‌కొండ పోలీస్ క‌మిష‌న‌ర్ ప్ర‌త్యేకంగా అభినంద‌న‌ల‌తో ముంచెత్తారు.
