సీతారాం ఏచూరి మృతి ప‌ట్ల దిగ్భ్రాంతి
పశ్చిమ బెంగాల్ ముఖ్య‌మ‌త్రి మ‌మ‌తా
ఢిల్లీ – తీవ్ర అనారోగ్యంతో ఢిల్లీలోని ఎయిమ్స్ లో గురువారం క‌న్ను మూశారు సీపీఎం సీనియ‌ర్ నాయ‌కుడు సీతారాం ఏచూరి. ఆయ‌న మృతి ప‌ట్ల తీవ్ర సంతాపం వ్య‌క్తం చేశారు టీఎంసీ చీఫ్, పశ్చిమ బెంగాల్ ముఖ్య‌మంత్రి మ‌మ‌తా బెన‌ర్జీ.
ట్విట్ట‌ర్ వేదిక‌గా తీవ్ర సంతాపం తెలిపారు. ఆయ‌న‌తో త‌న‌కు అత్యంత స‌న్నిహిత సంబంధం ఉంద‌న్నారు. ఇద్ద‌రి మ‌ధ్య దేశానికి సంబంధించిన స‌మ‌స్య‌లు ప్ర‌స్తావ‌న‌కు వ‌చ్చాయ‌ని ఈ సంద‌ర్బంగా గుర్తు చేసుకున్నారు. తామిద్ద‌రం కలిసి ఎన్నో వేదిక‌ల‌ను పంచుకున్నామ‌ని తెలిపారు. ఒక ర‌కంగా చెప్పాలంటే నిబ‌ద్ద‌త క‌లిగిన రాజ‌కీయ నాయ‌కుడు అని పేర్కొన్నారు.
ఇదిలా ఉండ‌గా సీతారాం ఏచూరి స్వస్థలం ఆంధ్ర‌ప్ర‌దేశ్ రాష్ట్రంలోని కాకినాడ. ఆయ‌న పూర్తి పేరు ఏచూరి సీతారామారావు. ఆగ‌స్టు 12, 1952 లో త‌మిళ‌నాడు రాజ‌ధాని చెన్నైలో పుట్టారు.
. 1975లో సీపీఎం ప్రాథమిక సభ్యత్వం తీసుకున్న ఏచూరి.. ఉమ్మడి ఏపీ మాజీ సీఎస్ మోహన్‌ కందాకు మేనల్లుడు. సీతారం ఏచూరి వ‌య‌సు 72 ఏళ్లు. ఇదిలా ఉండ‌గా మృత దేహాన్ని ఎయిమ్స్ కు విరాళంగా ఇస్తున్న‌ట్లు పార్టీ ప్ర‌క‌టించింది.
సీతారాం ఏచూరి మృతి ప‌ట్ల త‌మిళ‌నాడు సీఎం ఎంకే స్టాలిన్ , ఢిల్లీ సీఎం అర‌వింద్ కేజ్రీవాల్ తో పాటు సీపీఐ జాతీయ కార్య‌ద‌ర్శి నారాయ‌ణ తీవ్ర సంతాపం తెలిపారు.
