కేసీఆర్ విజ‌య ద‌శ‌మి శుభాకాంక్ష‌లు
ప్రజలంతా సుఖ సంతోషాల‌తో ఉండాలి
హైద‌రాబాద్ – విజ‌య ద‌శ‌మి పండుగ సంద‌ర్బంగా తెలుగు వారంద‌రికీ శుభాకాంక్ష‌లు తెలిపారు తెలంగాణ రాష్ట్ర తొలి ముఖ్య‌మంత్రి, బీఆర్ఎస్ బాస్ కేసీఆర్. ద‌స‌రాను పుర‌స్క‌రించుకుని దేశ, విదేశాల్లోని తెలుగు ప్రజలంతా బాగుండాల‌ని కోరారు.
ప్రజలంతా సుఖ శాంతులతో వర్థిల్లేలా చూడాలని ఆ కనక దుర్గమ్మ తల్లిని వేడుకుంటున్నానని పేర్కొన్నారు. చెడు పై మంచి సాధించిన విజయానికి ప్రతీకగా నిర్వహించుకునే దసరా పండుగ మన జీవితాల్లో కొత్త వెలుగు నింపాలని ఆకాంక్షిస్తున్నాని తెలిపారు కేసీఆర్.
దుష్ట సంహారం తర్వాత శాంతి, సౌభ్రాతృత్వంతో అందరూ కలిసి మెలిసి జీవించాలన్నదే దసరా పండుగ సందేశమ‌న్నారు. ఇదే స్ఫూర్తితో శాంతియుత, అభివృద్ధికారక సమాజం కోసం కృషి చేద్దామ‌ని పిలుపునిచ్చారు.
శక్తి ఆరాధనకు ప్రాధాన్యతనిచ్చే ఈ పండుగ దినాల్లో అమ్మ వారి దివ్య మంగళ రూపాన్ని తొమ్మిది అవతారాల్లో దర్శించు కున్నామ‌ని తెలిపారు కేసీఆర్. మ‌రో వైపు తెలంగాణ మాగాణానికి ప్రతీకగా నిలిచిన బ‌తుక‌మ్మ ఉత్స‌వాల‌ను ఘ‌నంగా నిర్వ‌హించ‌డం ప‌ట్ల సంతోషం వ్య‌క్తం చేశారు.
