కొండ్రు అశ్వినీ..నా కష్టాన్ని గుర్తు చేశావు – అనిత
150కి 150 మార్కులు సాధించినందుకు కంగ్రాట్స్
అమ‌రావ‌తి – ఏపీ ప్ర‌భుత్వం తాజాగా ఉపాధ్యాయ అర్హ‌త ప‌రీక్ష (టెట్) ప్ర‌క‌టించిన ప‌లితాలలో ఏపీకి చెందిన కొండ్రు అశ్విని అరుదైన ఘ‌న‌త సాధించింది. ఎవ‌రూ ఊహించ‌ని రీతిలో ఏకంగా 150 మార్కుల‌కు గాను 150 మార్కులు సాధించింది యువ‌తి. ఇది టెట్ చ‌రిత్ర‌లో ఓ రికార్డ్ అని చెప్పక త‌ప్ప‌దు.
ఈ సంద‌ర్బంగా విష‌యం తెలుసుకున్న ఏపీ హోం శాఖ మంత్రి వంగ‌ల‌పూడి అనిత అభినంద‌న‌లు తెలియ చేశారు. అంతే కాదు ఎక్స్ వేదిక‌గా ఈ విష‌యాన్ని పంచుకున్నారు. ఆర్ధిక స్థోమత లేకున్నా చదువు మాత్రమే ప్రయోజకుల్ని చేయగలదని \ కొండ్రు అశ్విని న‌మ్మింద‌న్నారు. ప్రభత్వ విద్యాలయాల్లోనే చదువుకుని ఏపీ టెట్ ఫలితాల్లో 150కి 150 మార్కులు సాధించడం మామూలు విష‌యం కాద‌న్నారు వంగ‌ల‌పూడి అనిత.
అరుదైన ఘ‌న‌త సాధించిన కొండ్రు అశ్వినికి ఈ సంద‌ర్బంగా అభినంద‌న‌లు తెలిపారు .పేదరికంలో ఉన్నా ఆటో నడుపుతూనే ఆడపిల్లని చదివించిన కొండ్రు శంకరరావు, వెంకటలక్ష్మి దంపతులకు శుభాభినందనలు అంటూ పేర్కొన్నారు.
అంతే కాదు త‌న‌ను ఎంతగానో ప్రోత్సహించిన త‌మ నాన్నగారి కష్టాన్ని మళ్ళీ గుర్తు చేశావ్ తల్లీ అంటూ ప్ర‌శంస‌లు కురిపించారు అనిత వంగ‌ల‌పూడి.
