శ్రీ ప‌ద్మావ‌తి అమ్మ వారికి బంగారు మాల
డీకే ఆదికేశవులు మ‌నుమ‌రాలు అంద‌జేత
తిరుపతి – టిటిడి బోర్డు మాజీ ఛైర్మన్ డికే ఆదికేశవులు కుమార్తే తేజస్విని, మనవరాలు చైతన్య తిరుచానూరు శ్రీ పద్మావతీ అమ్మ వారికి స్వర్ణ వైజయంతీ మాలను విరాళంగా అందజేశారు.
ఈ మేరకు దాతలు డీకే తేజస్విని, చైతన్య నుంచి టీటీడీ డిప్యూటీ ఈవో గోవింద రాజన్ స్వర్ణ వైజయంతీ మాలను శ్రీ పద్మావతీ అమ్మ వారి ఆలయంలో స్వీకరించారు. అనంతరం దాతలు అమ్మవారిని దర్శించుకున్నారు.
ఇదే స‌మ‌యంలో మ‌రో వైపు క‌లియుగ దైవం శ్రీ వేంక‌టేశ్వ‌ర స్వామి, శ్రీ అలివేలు మంగ‌మ్మ‌లు కొలువై ఉన్న తిరుమ‌ల తిరుపతి దేవ‌స్థానానికి భారీ ఎత్తున విరాళాలు స‌మ‌కూరుతున్నాయి. ఇప్ప‌టికే లెక్కించ‌లేనంత విరాళాలు హుండీ రూపంలో వ‌స్తున్నాయి.
టీటీడీ ఆధ్వ‌ర్యంలో ప‌లు సామాజిక, ఆధ్యాత్మిక, ప్ర‌చార కార్య‌క్ర‌మాలు కొన‌సాగుతున్నాయి. ఇదే స‌మ‌యంలో ఉచితంగా భ‌క్తుల‌కు ,ఇత‌రుల‌కు మెరుగైన వైద్య సేవ‌లు అంద‌జేస్తోంది టీటీడీ. ఇందుకు సంబంధించి ప్రాణ‌దాన ట్ర‌స్టును ఏర్పాటు చేసింది.
టీటీడీ ఇచ్చిన పిలుపు మేరకు భ‌క్తులు పెద్ద ఎత్తున విరాళాలు స‌మ‌ర్పించు కోవ‌డం ఆనవాయితీగా వ‌స్తోంది. తాజాగా బెంగ‌ళూరుకు చెందిన శ్రీవారి భ‌క్తుడు బీఎంకే న‌గేష్ ఏకంగా టీటీడీ ఎస్వీ ప్రాణ దాన ట్ర‌స్టుకు రూ. 50 ల‌క్ష‌లు విరాళంగా ఇచ్చారు.
