హోం మంత్రి కేసు విచార‌ణ వాయిదా
చెక్ బౌన్స్ కేసులో కోర్టు విచార‌ణ
అమ‌రావ‌తి – ఏపీ హొం, విప‌త్తుల నిర్వ‌హ‌ణ శాఖ మంత్రి వంగ‌ల‌పూడి అనిత‌కు ఊర‌ట ల‌భించింది.
చెక్ బౌన్స్ కేసులో విచార‌ణ‌ను కొట్టి వేయాల‌ని కోరుతూ హోం మంత్రి వంగ‌ల‌పూడి అనిత దాఖ‌లు చేసిన పిటిష‌న్ పై హైకోర్టు విచార‌ణ చేప‌ట్టింది.
కాగా పిటిష‌న్ దాఖ‌లు చేసిన మంత్రి తరపు న్యాయవాది కోర్టుకు స‌మాధానం ఇచ్చారు. ఫిర్యాదుదారుడితో సెటిల్మెంట్ జ‌రిగింద‌ని, కాగా రాజీకి సంబంధించిన వివరణాత్మక నింధ‌న‌లను అందించ‌డంలో విఫ‌ల‌మైన‌ట్లు పేర్కొన్నారు. కోర్టు ఫిర్యాదుదారుడైన వేగి శ్రీ‌నివాస‌రావును సూటిగా ప్ర‌శ్నించ‌గా, కేసును కొనసాగించే ఓపిక త‌నక లేద‌ని తెలిపారు.
తన బకాయిలను అందుకుంటానని ఆశిస్తున్నానని, అయితే కేసును కొనసాగించే ఓపిక లేకపోవడంతో సెటిల్‌మెంట్‌కు అంగీకరించానని పేర్కొంది. అనిత తరపు న్యాయవాది వాదిస్తూ, సెటిల్మెంట్ భవిష్యత్తులో కేసులను అడ్డుకుంటుంది, అయితే చెల్లింపులు, పరిష్కారానికి సంబంధించిన ప్రత్యేకతలను నొక్కి చెప్పిన వివరణ సరిపోదని కోర్టు భావించింది.
రాజీకి సంబంధించిన అస్పష్టమైన వాదనలను అంగీకరించలేమని హైకోర్టు స్ప‌ష్టం చేసింది. వివరణాత్మక అఫిడవిట్ సమర్పించాలని అనితను ఆదేశించింది. హోంమంత్రి చర్యలలో పారదర్శకత, జవాబుదారీతనంపై తీవ్ర ఆందోళన వ్యక్తం చేస్తూ కేసును డిసెంబర్ 12కి వాయిదా వేసింది.
