ద‌ళితుల‌పై దాడులు దారుణం
బీఎస్పీ చీఫ్ ఆర్ఎస్ ప్ర‌వీణ్ కుమార్
హైద‌రాబాద్ – బీఎస్పీ చీఫ్ ఆర్ఎస్ ప్ర‌వీణ్ కుమార్ షాకింగ్ కామెంట్స్ చేశారు. ద‌ళితుల‌పై రోజు రోజుకు దాడులు కొన‌సాగుతున్నాయ‌ని పేర్కొన్నారు. రాష్ట్రంలో లా అండ్ ఆర్డ‌ర్ పూర్తిగా విఫ‌ల‌మైంద‌ని ఆరోపించారు. కొత్త స‌ర్కార్ కొలువు తీరినా ప‌రిస్థితిలో మార్పు రాలేద‌న్నారు.
నిన్న రాత్రి జ‌న‌వాడ‌లో చ‌ర్చిపై , ద‌ళితుల‌పై రాష్ట్రీయ స్వ‌యం సేవ‌క్ సంఘ్ కు చెందిన మూక‌లు దారుణంగా దాడులు జ‌రిపారంటూ ఆవేద‌న వ్య‌క్తం చేశారు. దాడిలో గాయ‌ప‌డిన వారు ప్రాణాపాయ స్థితిలో కొట్టుమిట్టాడుతున్నార‌ని పేర్కొన్నారు ఆర్ఎస్ ప్ర‌వీణ్ కుమార్.
అయితే ఈ దాడుల్లో ఒక్క నిందితుడు కూడా అరెస్ట్ చేయ‌లేద‌ని మండిప‌డ్డారు. బాధితులు ఇంకా ఆస్ప‌త్రిలోనే ఉన్నార‌ని పేర్కొన్నారు. దీంతో గ్రామంలో భ‌యాందోళ‌న‌లు నెల‌కొన్నాయ‌ని వాపోయారు . దాడులు చేయ‌డం అంటే ఇదేనా మీ గ్యారెంటీల పాల‌న అని ప్ర‌శ్నించారు బీఎస్పీ చీఫ్.
శాంతి భ‌ద్ర‌త‌ల‌కు గ్యారెంటీ ఎక్క‌డుందీ ఈ రాష్ట్రంలో అని మండిప‌డ్డారు. హాస్ట‌ళ్ల‌ల‌లో పిల్ల‌ల‌కు ప్రాణాల‌కు గ్యారెంటీ లేద‌న్నారు. మైనార్టీల బ‌తుకుల‌కు భ‌ద్ర‌త లేకుండా పోయింద‌ని వాపోయారు. రాజ్యాంగం క‌ల్పించిన మ‌త ప‌ర‌మైన గ్యారెంటీ లేద‌ని తేలి పోయింద‌న్నారు.
