క‌రోనా వ్యాక్సిన్ తో గ‌డ్డ క‌డుతున్న ర‌క్తం
తాజా అధ్య‌య‌నం
న్యూఢిల్లీ – క‌రోనా వ్యాక్సిన్ అత్యంత ప్ర‌మాద‌క‌రమ‌ని తేలింది. ఈ టీకాల‌ను తీసుకున్న వారిలో ర‌క్తం గ‌డ్డ క‌డుతుండ‌డం ఒకింత ఆందోళ‌న క‌లిగిస్తోంది. తాజాగా జ‌రిపిన అధ్య‌య‌నంలో ఈ వాస్త‌వం వెలుగు చూసింది. మ‌రో వైపు ప్రపంచ వ్యాప్తంగా 90 శాతానికి పైగా కోట్లాది మంది ప్ర‌జ‌లు క‌రోనా వ్యాక్సిన్ల‌ను వేసుకున్నారు.
కోవిడ్ 19 వ్యాక్సినేష‌న్ త‌ర్వాత వివిధ దేశాల్లో (భారత్ మినహా ) టీకాలు తీసుకున్న వారిలో గుండెకు సంబంధించిన వ్యాదులు, మెదడు ర‌క్త నాళాల్లో ర‌క్తం గ‌డ్డ క‌ట్ట‌డం వంటి దుష్ప్ర‌భావాలు త‌లెత్తుతున్న‌ట్లు తాజా అధ్య‌య‌నంలో తేలింది.
కొవిడ్‌-19 టీకా దుష్ప్రభావాలపై ప్రపంచ ఆరోగ్య సంస్థ (డబ్ల్యూహెచ్‌వో), యూరోపియన్‌ మెడిసిన్స్‌ ఏజెన్సీ కీలక డాటా సేకరించింది. ద గ్లోబల్‌ కొవిడ్‌ సేఫ్టీ ప్రాజెక్ట్‌.. పేరుతో కొవిడ్‌ టీకాల పని తీరును మదింపు చేసింది.
భారత్ మినహా వివిధ దేశాల్లో 9.9 కోట్లమంది పేషెంట్ల నుంచి డాటాను సేకరించి ఈ నివేదికను రూపొందించినట్టు తెలిసింది. ఎంఆర్‌ఎన్‌ఏ కొవిడ్‌ టీకాలు తీసుకున్నవారిలో గుండె సమస్యలు, మెదడు రక్తనాళాల్లో గడ్డకట్టడం వంటివి 1.5 రెట్లు పెరిగాయని గణాంకాలు చెబుతున్నాయి. ఈ తరహా టీకాలే భారత్‌లోనూ పెద్ద సంఖ్యలో తీసుకున్నారని, దీని ప్రభావం ఏంటన్నది మాత్రం శాస్త్రీయంగా బయటకు రాలేదని వైద్య నిపుణులు చెబుతున్నారు
