శ్రీ‌వారి హుండీ ఆదాయం రూ.4.67 కోట్లు
ద‌ర్శించుకున్న భ‌క్తుల సంఖ్య 57 వేల 338
తిరుమ‌ల – కోరిన కోర్కెలు తీర్చే కొంగు బంగారంగా వినుతి కెక్కిన పుణ్య క్షేత్రం తిరుమ‌ల భ‌క్తుల తాకిడితో కిట కిట లాడుతోంది. సుదూర ప్రాంతాల నుంచి త‌ర‌లి వ‌చ్చే భ‌క్త బాంధ‌వుల‌కు ఎలాంటి ఇబ్బందులు లేకుండా వ‌స‌తి సౌకర్యాల‌ను ఏర్పాటు చేసిన‌ట్లు వెల్ల‌డించారు తిరుమ‌ల తిరుప‌తి దేవ‌స్థానం (టీటీడీ) పాల‌క మండ‌లి చైర్మ‌న్ భూమ‌న క‌రుణాక‌ర్ రెడ్డి, ఈవో ఏవీ ధ‌ర్మా రెడ్డి .
తిరుమ‌ల‌లోని 16 కంపార్ట్ మెంట్ల‌లో ప్ర‌స్తుతం భ‌క్తులు వేచి వున్నారు. ఎలాంటి టోకెన్లు లేకుండా స‌ర్వ ద‌ర్శ‌నం కోసం వేచి ఉన్న భ‌క్తుల‌కు క‌నీసం 10 గంఠ‌ల‌కు పైగా స‌మ‌యం ప‌డుతుంద‌ని వెల్ల‌డించారు. ఇదిలా ఉండ‌గా 57 వేల 338 మంది భ‌క్తులు ద‌ర్శించుకున్నారు.
స్వామి వారికి 19 వేల 852 మంది భ‌క్తులు త‌ల నీలాలు స‌మ‌ర్పించారు. భ‌క్తులు నిత్యం స్వామి వారికి స‌మ‌ర్పించే కానుక‌లు, విరాళాల రూపేణా శ్రీ‌వారి హుండీ ఆదాయం రూ. 4.67 కోట్లు వ‌చ్చిన‌ట్లు తెలిపారు ముఖ్య కార్య నిర్వ‌హ‌ణ అధికారి ఏవీ ధ‌ర్మా రెడ్డి వెల్ల‌డించారు.
