యువ‌త‌కు స్మిత భ‌రోసా
రిసోర్స్ ప‌ర్స‌న్ ఎంపిక
హైద‌రాబాద్ – సీనియ‌ర్ ఐఏఎస్ ఆఫీస‌ర్ , తెలంగాణ రాష్ట్ర ఆర్థిక శాఖ స‌భ్య కార్య‌ద‌ర్శి స్మితా స‌బ‌ర్వాల్ గురించి ఎంత చెప్పినా త‌క్కువే. ఆమె గ‌త కేసీఆర్ స‌ర్కార్ హ‌యాంలో చ‌క్రం తిప్పారు. అన్నీ తానై వ్య‌వ‌హ‌రించారు. మిష‌న్ భ‌గీర‌థ‌తో పాటు రాష్ట్ర నీటి పారుద‌ల శాఖ ఇంఛార్జ్ కార్య‌ద‌ర్శిగా ఉన్నారు. అంతే కాకుండా ముఖ్య‌మంత్రి కార్యాల‌యంలో ఓఎస్డీగా ప‌ని చేశారు. ప్ర‌త్యేక కార్య‌ద‌ర్శిగా సంచ‌ల‌న నిర్ణ‌యాలు తీసుకున్నారు.
ముందు నుంచీ అత్యంత పిన్న వ‌య‌సులోనే ఐఏఎస్ గా ఎంపిక‌య్యారు. ప్రాజెక్టు డైరెక్ట‌ర్ గా, స‌బ్ క‌లెక్ట‌ర్ గా, జాయింట్ క‌లెక్ట‌ర్ గా, క‌లెక్ట‌ర్ గా , సీనియ‌ర్ ఆఫీస‌ర్ గా విశిష్ట సేవ‌లు అందించారు స్మితా స‌బ‌ర్వాల్. తాజాగా రాష్ట్రంలో గులాబీ ప్ర‌భుత్వం కూలి పోయింది. సీఎం రేవంత్ రెడ్డి సార‌థ్యంలో కాంగ్రెస్ పార్టీ ప‌వ‌ర్ లోకి వ‌చ్చింది.
దీంతో ఆమెకు అప్ర‌ధాన్య పోస్టులోకి మార్చేశారు. అయినా ఎక్క‌డా త‌గ్గ‌డం లేదు స్మితా స‌బ‌ర్వాల్. త‌న శాఖా ప‌రంగా కీల‌క మార్పులు తీసుకు వ‌చ్చే ప్ర‌య‌త్నం చేశారు . ప్ర‌తిభా వంతులైన రిసోర్స్ ప‌ర్స‌న్ల కోసం స్వ‌యంగా తానే ఇంట‌ర్వ్యూలు నిర్వ‌హించారు. కొంద‌రిని ఎంపిక చేశారు. ఇందుకు సంబంధించిన ఫోటోలు హ‌ల్ చ‌ల్ చేస్తున్నాయి.
