సిక్స‌ర్ల మోత‌లో అభిషేక్ అదుర్స్

అత్య‌ధిక సిక్స‌ర్ల‌తో రికార్డ్ బ్రేక్

చెన్నై – ఐపీఎల్ 2024 క‌థ ముగిసింది. విజేత‌గా కోల్ క‌తా నైట్ రైడ‌ర్స్ నిలిచింది. ప్రైజ్ మ‌నీ కింద రూ. 20 కోట్లు ద‌క్కాయి. ర‌న్న‌ర‌ప్ గా స‌న్ రైజ‌ర్స్ జ‌ట్టు నిలిచింది. టోర్నీలో ప‌లువురు ఆట‌గాళ్లు దుమ్ము రేపారు. త‌మ వ్య‌క్తిగ‌త ప్ర‌ద‌ర్శ‌న‌తో ఆక‌ట్టుకున్నారు.

ప్ర‌ధానంగా ఆస్ట్రేలియాకు చెందిన ప్లేయ‌ర్లు ఈ సీజ‌న్ లో స‌త్తా చాటారు. ఐపీఎల్ వేలం పాట‌లో అత్య‌ధిక ధ‌ర‌కు అమ్ముడు పోయాడు ప్యాట్ క‌మిన్స్. త‌న‌ను స‌న్ రైజ‌ర్స్ యాజ‌మాన్యం కొనుగోలు చేసింది. రూ. 20 కోట్ల‌కు పైగా చేజిక్కించుకుంది.

ఇక ఇదే స‌న్ రైజ‌ర్స్ జ‌ట్టుకు చెందిన ఆసిస్ ప్లేయ‌ర్ ట్రావిస్ హెడ్ సెన్సేష‌న్ క్రియేట్ చేశాడు. ప‌రుగుల వ‌ర‌ద పారించాడు. ప్ర‌త్య‌ర్థుల గుండెల్లో ద‌డ పుట్టించాడు. టోర్నీలో అత్య‌ధికంగా ఫోర్లు (4) సాధించిన ఆట‌గాడిగా నిలిచాడు ట్రావిస్ హెడ్. మొత్తం 64 ఫోర్లు కొట్టాడు.

ఇదే జ‌ట్టుకు చెందిన యువ క్రికెట‌ర్ అభిషేక్ శ‌ర్మ స‌త్తా చాటాడు. సిక్స‌ర్ల మోత మోగించాడు. ప్ర‌త్య‌ర్థుల జ‌ట్ల‌కు ద‌డ పుట్టించాడు. టోర్నీలో అత్య‌ధికంగా సిక్స‌ర్లు కొట్టాడు.