మాడ వీధుల‌ను తనిఖీ చేసిన అదనపు ఈవో
జ‌ర‌గ‌నున్న శ్రీవారి వార్షిక బ్రహ్మోత్సవాలు
తిరుమల – తిరుమల లోని శ్రీవారి ఆలయ నాలుగు మాడ వీధుల్లోని గ్యాలరీలను ఆదివారం సంబంధిత అధికారులతో కలిసి టీటీడీ అదనపు ఈవో సిహెచ్ వెంకయ్య చౌదరి పరిశీలించారు.
శ్రీవారి వార్షిక బ్రహ్మోత్సవాలు అక్టోబర్ 4 నుండి 12 వరకు జరుగనున్నాయి. ఈ సంద‌ర్బంగా భారీ ఎత్తున ఏర్పాట్ల‌ను టీటీడీ ఇప్ప‌టి నుంచే చేస్తోంది. బ్ర‌హ్మోత్స‌వాల‌ను పుర‌స్క‌రించుకుని అదనపు ఈవో చౌదరి
నాలుగు మాడ వీధుల్లో ఉన్న వివిధ ప్రవేశ, నిష్క్రమణ, హారతి పాయింట్ల గురించి ఆరా తీశారు.
ఈ సంద‌ర్బంగా అన్ని గ్యాలరీలను క్షుణ్ణంగా తనిఖీ చేశారు. వాహన మండపం నుంచి ప్రారంభమై నాలుగు మాడ వీధుల్లోని గ్యాలరీలు, తిరుమల నంబి ఆలయం వద్ద కదిలే వంతెన, గ్యాలరీల వద్ద ప్రవేశ నిష్క్రమణ పాయింట్లు, ఇతర సంబంధిత సమాచారాన్ని అధికారులు అదనపు ఈవోకు వివరించారు.
ఆలయ డిప్యూటీ ఈవో లోకనాథం, విజివో నంద కిషోర్, ఇతర అధికారులు పాల్గొన్నారు ఆయ‌న వెంట. వార్షిక బ్ర‌హ్మోత్స‌వాల‌ను పుర‌స్క‌రించుకుని బ్రేక్ ద‌ర్శ‌నాలు, ఆర్జిత సేవ‌ల‌ను ర‌ద్దు చేసిన‌ట్లు ఇప్ప‌టికే టీటీడీ ప్ర‌క‌టించింది.
