తెలుగు వారంతా బాగుండాలి – రాకేశ్ రెడ్డి
దసరా..బ‌తుక‌మ్మ పండుగ శుభాకాంక్ష‌లు
హైద‌రాబాద్ – విజ‌య ద‌శ‌మి పండుగ సంద‌ర్బంగా తెలుగు వారంద‌రికీ శుభాకాంక్ష‌లు తెలిపారు బీఆర్ఎస్ సీనియ‌ర్ నాయ‌కుడు ఏనుగుల రాకేష్ రెడ్డి. ద‌స‌రాను పుర‌స్క‌రించుకుని దేశ, విదేశాల్లోని తెలుగు ప్రజలంతా బాగుండాల‌ని కోరారు. అంతే కాకుండా ప్ర‌పంచ వ్యాప్తంగా భారీ ఎత్తున నిర్వ‌హించిన బ‌తుక‌మ్మ ఉత్స‌వాల‌ను ప్ర‌త్యేకంగా ప్ర‌స్తావించారు.
ప్రజలంతా సుఖ శాంతులతో వర్థిల్లేలా చూడాలని అమ్మ వారిని వేడుకుంటున్నానని పేర్కొన్నారు. చెడు పై మంచి సాధించిన విజయానికి ప్రతీకగా నిర్వహించుకునే దసరా పండుగ మన జీవితాల్లో కొత్త వెలుగు నింపాలని ఆకాంక్షిస్తున్నాని తెలిపారు బీఆర్ఎస్ నేత.
దుష్ట సంహారం తర్వాత శాంతి, సౌభ్రాతృత్వంతో అందరూ కలిసి మెలిసి జీవించాలన్నదే దసరా పండుగ సందేశమ‌న్నారు. ఇదే స్ఫూర్తితో శాంతియుత, అభివృద్ధి కారక సమాజం కోసం కృషి చేద్దామ‌ని పిలుపునిచ్చారు.
శక్తి ఆరాధనకు ప్రాధాన్యతనిచ్చే ఈ పండుగ దినాల్లో అమ్మ వారి దివ్య మంగళ రూపాన్ని తొమ్మిది అవతారాల్లో దర్శించు కున్నామ‌ని తెలిపారు ఏనుగుల రాకేశ్ రెడ్డి. మ‌రో వైపు తెలంగాణ మాగాణానికి ప్రతీకగా నిలిచిన బ‌తుక‌మ్మ ఉత్స‌వాల‌ను ఘ‌నంగా నిర్వ‌హించ‌డం ప‌ట్ల సంతోషం వ్య‌క్తం చేశారు.
తొమ్మిది రోజుల పాటు బ‌తుక‌మ్మ ఉత్స‌వాల‌లో పాల్గొని, విజ‌య‌వంతం చేసినందుకు అభినంద‌న‌లు తెలిపారు .
