అయోధ్య ఆల‌యానికి అంత‌ర్జాతీయ అవార్డు

స్వోర్డ్ ఆఫ్ హాన‌ర్స్ పుర‌స్కారం

ఉత్త‌ర ప్ర‌దేశ్ – అయోధ్య‌లోని రామ మందిరానికి భద్రతా విభాగంలో అంతర్జాతీయ అవార్డు లభించింది. రామ మందిర ప్రాజెక్టుకు బ్రిటిష్ సేఫ్టీ కౌన్సిల్ నుంచి ‘స్వోర్డ్ ఆఫ్ హానర్స్ పుర‌స్కారం లభించిందని శ్రీరామ జన్మభూమి తీర్థ క్షేత్ర ట్రస్ట్ నిర్మాణ కమిటీ చైర్మన్ నృపేంద్ర మిశ్రా వెల్ల‌డించారు.

ఈ సంద‌ర్బంగా దేశ ప్ర‌ధాన‌మంత్రి న‌రేంద్ర మోడీ అభినంద‌న‌లు తెలిపారు. భద్రతా నిర్వహణలో ప్రతిష్టాత్మకమైన అవార్డులలో ఇది ఒకటి. బ్రిటీష్ సేఫ్టీ కౌన్సిల్ ప్రక్రియ, అభ్యాసాలు , అంతిమంగా ఆన్-సైట్ కార్యాచరణ అంచనాల ఆడిట్‌ను నిర్వహిస్తుంది. ఫైవ్-స్టార్ అసెస్‌మెంట్ సాధించిన వారు మాత్రమే ‘స్వోర్డ్ ఆఫ్ హానర్’ అవార్డు పోటీలో పాల్గొనడానికి అర్హుల అని స్ప‌ష్టం చేశారు.

ఇంతకు ముందు ఆలయ నిర్మాణానికి బాధ్యత వహించిన లార్సెన్ అండ్ టూబ్రో కూడా రామ మందిర నిర్మాణంలో తీసుకున్న భద్రతా చర్యల కోసం నేషనల్ సేఫ్టీ కౌన్సిల్ ద్వారా ‘గోల్డెన్ ట్రోఫీ’ని కూడా ప్రదానం చేసింది.

ఆలయ ప్రాజెక్ట్ సాంస్కృతిక వారసత్వాన్ని ఇంజనీరింగ్ ప్రకాశంతో మిళితం చేస్తుంది. ఇదిలా ఉండ‌గా
మొదటి, రెండవ అంతస్తుల నిర్మాణం జూన్ 2025 నాటికి పూర్తి అవుతుంది. శ్రీ రామ్ దర్బార్ , మహర్షి వాల్మీకి, అహల్య, శ్రీ నిషాద్ జీ, శబ్రీ మాత, ముని వశిష్ఠుడు, అగత్య ముని, ఋషి విశ్వామిత్ర , గోస్వామి తులసీ దాస్ పాలరాతి విగ్రహాలు జ‌న‌వ‌రి నెలాఖ‌రు వ‌ర‌కు పూర్త‌వుతాయ‌ని తెలిపారు మిశ్రా.