బ‌షీర్ బాగ్ కాల్పుల ఘ‌ట‌న‌కు 24 ఏళ్లు
28 ఆగ‌స్టు, 2020న స‌రిగ్గా ఇదే రోజు
హైద‌రాబాద్ – ఆనాటి ఉమ్మ‌డి ఏపీలో చంద్రబాబు నాయుడు ఆధ్వ‌ర్యంలో చోటు చేసుకున్న బ‌షీర్ బాగ్ కాల్పుల ఘ‌ట‌న‌కు 24 ఏళ్లు పూర్త‌య్యాయి. ఆ ర‌క్త‌పు మ‌ర‌క‌ల ఆన‌వాళ్లు ఇంకా వెంటాడుతూనే ఉన్నాయి. ఇప్పుడు చంద్రబాబు నాయుడు ఏపీకి సీఎం, ఆయ‌న శిష్యుడు రేవంత్ రెడ్డి తెలంగాణ రాష్ట్రానికి ముఖ్య‌మంత్రి.
స‌రిగ్గా ఇదే రోజు 28 ఆగ‌స్టు 2000న హైదరాబాద్‌లోని బషీర్బాగ్ ప్రాంతంలో పోలీసులు జరిపిన కాల్పుల్లో రామకృష్ణ, విష్ణువర్ధన్‌రెడ్డి, బాలస్వామి అనే ముగ్గురు ఆందోళనకారులు మరణించారు. విద్యుత్ ఛార్జీల పెంపుపై అప్పటి తెలుగుదేశం పార్టీ (టీడీపీ) ప్రభుత్వం తీసుకున్న వివాదాస్పద నిర్ణయానికి వ్యతిరేకంగా కాంగ్రెస్, సీపీఐ, సీపీఐ(ఎం) సహా పార్టీలు నిరసనలు తెలిపాయి.
విద్యుత్ పెంపునకు నిరసనగా బషీర్‌బాగ్‌లోని జగ్జీవన్‌రామ్‌ విగ్రహం వద్దకు చేరుకున్న రైతులు, ప్రతిపక్ష నేతలు, ఆందోళనకారులపై టీడీపీ అధినేత చంద్రబాబు నాయుడు పోలీసులపై కాల్పులు జరపాలని ఆదేశించారు. బషీర్బాగ్ ఘటన బాబును మ‌రిచి పోకుండా చేసింది.
రాష్ట్ర అసెంబ్లీ భవనాలకు ఒక కిలోమీటరు దూరంలోని బషీర్‌బాగ్‌లోని జగ్జీవన్ రామ్ విగ్రహం దగ్గర నిరసనకారులు గుమిగూడారు. ప్రభుత్వ నిర్ణయాన్ని నిరసిస్తూ బషీర్బాగ్ నుండి అసెంబ్లీ వైపు ర్యాలీని చేపట్టేందుకు నిరసనకారులు ప్రయత్నించారు.
పోలీసులు వారిని వెనక్కి తిప్పికొట్టారు, గుంపును చెదర గొట్టడానికి ప్రయత్నించారు. అయితే చివరకు దాదాపు 45 నిమిషాల పాటు కాల్పులు జరిపారు. చాలా మంది గాయపడ్డారు . ప్ర‌జాస్వామ్య చ‌రిత్ర‌లో ఇది బ్లాక్ డేగా ఎప్ప‌టికీ గుర్తుండి పోతుంది.
