పహల్గామ్ ఉగ్ర దాడికి నిర‌స‌న‌గా
హైద‌రాబాద్ – పహల్గామ్ ఉగ్రవాద దాడి బాధితులకు సంఘీభావంగా తెలంగాణ డీజీపీ ఆధ్వ‌ర్యంలో పోలీసులు భారీ ఎత్తున కొవ్వొత్తుల ర్యాలీ నిర్వహించారు. ఇటీవల పహల్గామ్ లో పాకిస్తాన్ ప్రేరేపిత ఉగ్ర‌వాదులు విచ‌క్ష‌ణా ర‌హితంగా ప‌ర్యాట‌కుల‌పై కాల్పుల‌కు తెగ‌బ‌డ్డారు. ఈ ఘ‌ట‌న‌లో 26 మంది ప్రాణాలు కోల్పోగా ప‌లువురు తీవ్రంగా గాయ‌ప‌డ్డారు. ప్ర‌స్తుతం భార‌త్ పాకిస్తాన్ పై యుద్దం ప్ర‌క‌టించింది. దాడులు కొన‌సాగుతున్నాయి. ఈ సంద‌ర్బంగా మృతుల కుటుంబాల‌కు మ‌ద్ద‌తు తెలియ చేస్తూ పెద్ద ఎత్తున ర్యాలీ చేప‌ట్టారు.
ఉగ్రవాద దాడి బాధితులకు హృదయపూర్వక నివాళిగా, తెలంగాణ పోలీసులు తమ సంతాపాన్ని తెలియ జేయడానికి మరియు, ఐక్యతకు మద్దతును తెలియ జేయడానికి ఒక గంభీరమైన కొవ్వొత్తుల ర్యాలీని నిర్వహించారు.ఈ కార్యక్రమంలో అనేక మంది సీనియర్ అధికారులు, అదనపు డిజిపి మహేష్ భగవత్, హోం కార్యదర్శి రవి గుప్తా ఐపిఎస్, ఎడిజి పర్సనల్ అనిల్ కుమార్, ఐజి రమేష్ మస్తీపురం, చీఫ్ సెక్రటరీ ఐఎఎస్ శాంతి కుమారి కూడా పాల్గొన్నారు, ఉగ్రవాదానికి వ్యతిరేకంగా కలిసి నిలబడటం, దేశవ్యాప్తంగా సామరస్యాన్ని పెంపొందించడం ప్రాముఖ్యతను నొక్కి చెప్పారు.
శాంతి, సంఘీభావం పట్ల తెలంగాణ పోలీసుల నిబద్ధతను, దుఃఖ సమయాల్లో దేశం పట్ల వారి అచంచలమైన మద్దతును ఈ ర్యాలీ హైలైట్ చేసింది.
