ఆర్థికాభివృద్దికి టాస్క్ ఫోర్స్ కీల‌కం
ఏపీ సీఎం నారా చంద్ర‌బాబు నాయుడు
అమ‌రావ‌తి – ఏపీ ఆర్థికాభివృద్దికి ఏర్పాటు చేసిన టాస్క్ ఫోర్స్ కీల‌కంగా మారుతుంద‌ని అన్నారు ఏపీ సీఎం నారా చంద్ర‌బాబు నాయుడు. స్వర్ణ ఆంధ్రప్రదేశ్ 2047 కోసం ఆర్థికాభివృద్ధిపై టాస్క్‌ఫోర్స్ మొదటి సమావేశానికి ఆయ‌న అధ్యక్ష‌త వ‌హించారు.
టాటా గ్రూప్ సంస్థ‌ల ఎగ్జిక్యూటివ్ ఛైర్మన్ ఎన్. చంద్రశేఖరన్ టాస్క్‌ఫోర్స్ ఏపీ భవిష్యత్తు కోసం దూరదృష్టి గల బ్లూప్రింట్‌ను రూపొందించడంలో సహాయపడటానికి విభిన్న రంగాలకు చెందిన పరిశ్రమ దిగ్గజాలను ఏకం చేశార‌ని అన్నారు.
సంప్రదింపులకు నాయకత్వం వహించడం, ఆర్థిక వృద్ధి మార్గాలను గుర్తించడం, మౌలిక సదుపాయాల అవసరాలను అంచనా వేయడం , ఏపీ పరివర్తనను నడపడానికి విధాన సంస్కరణలను సిఫార్సు చేయడం టాస్క్ ఫోర్స్ ముఖ్య ఉద్దేశ‌మ‌న్నారు.
వృద్ధి లక్ష్యాన్ని సాధించడానికి, వివిధ రంగాలలో మౌలిక సదుపాయాలు, వ్యవస్థాపకత, నైపుణ్యాల అభివృద్ధి, ఎంఎస్ఎంఈలు, తయారీ రంగాలలో అనేక కీలక ప్రాధాన్యతలను గుర్తించామ‌న్నారు నారా చంద్ర‌బాబు నాయుడు.
టాస్క్‌ఫోర్స్ 2030 , 2047 నాటికి గణనీయమైన వృద్ధిని సాధించడానికి, కొత్త పెట్టుబడులను ఆకర్షించడానికి , ఆర్థిక పురోగతిలో ఆంధ్రప్రదేశ్‌ను అగ్రగామిగా నిలిపి, దీర్ఘకాలిక శ్రేయస్సుకు పునాది వేసేందుకు సమగ్రమైన రోడ్ మ్యాప్‌ను రూపొందించాల్సి ఉంద‌న్నారు.
