దీప్తి జీవన్ జీకి రూ. కోటి పురస్కారం
గ్రూప్ -2 ఉద్యోగం క‌ల్పిస్తామ‌న్న సీఎం
హైదరాబాద్ – పారా ఒలంపిక్స్ లో స‌త్తా చాటిన తెలంగాణ‌కు చెందిన కాంస్య పతాక విజేత దీప్తి జీవన్ జీ కి కోటి రూపాయల నగదు పురస్కారాన్ని తెలంగాణ రాష్ట్ర ప్రభుత్వం ప్రకటించింది. దీనితోపాటు ఆమె జీవన భృతి కొరకు గ్రూప్ 2 ఉద్యోగాన్ని ఆమెకు కల్పిస్తూ నిర్ణయం తీసుకుంది
అంతే కాకుండా దీప్తి జీవన్ జీ కి నగదు పురస్కారం , ఉద్యోగంతో పాటు 500 గజాల ఇంటి స్థలాన్ని కేటాయించారు
ఆమె కోచ్ ద్రోణాచార్య అవార్డు గ్రహీత నాగపురి రమేష్ కు 10 లక్షల నగదు పురస్కారాన్ని ప్రభుత్వం ప్రకటించింది.
తెలంగాణ ఆణిముత్యమైన దీప్తి జీవన్ జీకి నగదు పురస్కారం ఉద్యోగము తోపాటు ఇంటి స్థలానికి కేటాయించడం , ఆమె కోచ్ రమేష్ బాబుకు నగదు పురస్కారం ప్రకటించడం పట్ల తెలంగాణ స్పోర్ట్స్ అథారిటీ చైర్మన్ కే శివసేన రెడ్డి హర్షం వ్యక్తం చేశారు.
పారా అథ్లెట్ దీప్తి జీవన్ జీ తెలంగాణ యువతకు క్రీడాకారులకు ఆదర్శప్రాయం అని పేర్కొన్నారు.
ముఖ్యమంత్రి రేవంత్ రెడ్డి ప్రభుత్వం ఆమెను సముచితంగా గౌరవించడం బావి క్రీడాకారులకు స్ఫూర్తిగా నిలుస్తుందని శివసేనారెడ్డి అన్నారు
