ప‌టేల్ రమేష్ రెడ్డికి రిక్త హ‌స్తం
ఎంపీ టికెట్ ఇస్తామని హామీ
హైద‌రాబాద్ – తాజాగా జ‌రిగిన ఎన్నిక‌ల్లో సూర్యాపేట నుండి టికెట్ ఆశించి చివ‌ర‌కు బ‌రి లోనుంచి త‌ప్పుకున్న సీనియ‌ర్ కాంగ్రెస్ పార్టీ నేత ప‌టేల్ రమేష్ రెడ్డికి చివ‌ర‌కు నిరాశే మిగిలింది. ఒక‌వేళ ఆయ‌న ఎన్నిక‌ల్లో పోటీ చేసి ఉంటే హ‌స్తం అభ్య‌ర్థి త‌ప్ప‌కుండా ఓడి పోయేవారు. ఇదే స‌మ‌యంలో త‌మ‌కు డ్యామేజ్ జ‌రుగుతుంద‌ని భావించిన పార్టీ అధిష్టానం స్ప‌ష్ట‌మైన హామీ ఇచ్చింది.
ప‌టేల్ రమేష్ రెడ్డి చేసిన త్యాగానికి ప్ర‌తిఫ‌లంగా పార్ల‌మెంట్ ఎన్నిక‌ల్లో ఎంపీ టికెట్ ఇస్తామని హామీ ఇచ్చారు. తాజాగా సార్వ‌త్రిక ఎన్నిక‌లకు సంబంధించి కాంగ్రెస్ పార్టీ హైక‌మాండ్ మొండి చేయి చూపింది. ఎన్నిక‌లలో భాగంగా తొలి విడ‌త‌లో 545 సీట్ల‌కు గాను 33 సీట్ల‌కు అభ్య‌ర్థుల‌ను ఖ‌రారు చేసింది.
2018లో ప‌టేల్ రమేష్ రెడ్డికి టికెట్ ఇస్తామంటూ ఆశ చూపి మోసం చేసింది. 2023లో జ‌రిగిన ఎన్నిక‌ల్లో సైతం ఇదే హామీ తిరిగి ఇచ్చింది. టికెట్ రాక పోవ‌డంతో ఆయ‌నతో పాటు కుటుంబం కూడా కంట‌త‌డి పెట్టుకుంది. ఇందుకు సంబంధించిన వీడియో, ఫోటోలు సైతం వైర‌ల్ అయ్యాయి.
నల్లగొండ ఎంపీ టికెట్ ఇస్తామని కోమటిరెడ్డి వెంకట్ రెడ్డి, ఉత్తమ్ కుమార్ రెడ్డి, జానారెడ్డి సహా అగ్ర కాంగ్రెస్ నాయకులు రాత పూర్వక హామీ కూడా ఇచ్చారు. విచిత్రం ఏమిటంటే ప‌టేల్ కు ఇవ్వ‌కుండా జానా రెడ్డి కొడుకు కందూరు ర‌ఘువీర్ రెడ్డికి టికెట్ ఖ‌రారు చేశారు.
