పిలుపునిచ్చిన మాజీ సీఎం కేసీఆర్
హైద‌రాబాద్ – బీఆర్ఎస్ బాస్ కేసీఆర్ నిప్పులు చెరిగారు. కాంగ్రెస్ ప్రభుత్వ అవినీతిపై యుద్దం ప్ర‌క‌టించాల‌ని అన్నారు. త‌న అధ్య‌క్ష‌త‌న జ‌రిగిన బిఆర్ ఎస్‌ఎల్పీ సమావేశంలో దిశానిర్దేశం చేశారు.
పార్టీ శాసన సభ, మండలి సభ్యులందరూ నిర్ణీత సమయానికి హాజరు కావాలన్నారు. ప్రజా సమస్యలపై రాజీలేని పోరాటం చేయాల‌ని పిలుపునిచ్చారు. త‌ప్పుడు నింద‌ల‌ను తిప్పి కొట్టాల‌న్నారు. రాష్ట్రంలో నెలకొన్న పలు సమస్యలు..ఎండిన పంటలు, అందని కరెంటు, సాగునీరు, కాలిపోతున్న మోటర్లు తదితర రైతాంగ సమస్యలపై, మంచినీటి కొరత పై అసెంబ్లీ లో, మండలి లో పోరాడాలన్నారు.
బీసీ రిజర్వేషన్లు, ఎస్సీ రిజర్వేషన్ల బిల్లుకు మద్దతుగా గొంతు వినిపించాలని అన్నారు కేసీఆర్. రాష్ట్రం లో గురుకుల పాఠశాలలు నిర్వీర్యమౌతున్న తీరు పై మాట్లాడాలన్నారు.ప్రభుత్వ ఉద్యోగుల రిటైర్మెంట్ బెనిఫిట్స్… DA ల పెండింగ్ … PRC అమలు పై అసెంబ్లీ, మండలి వేదికగా ప్రభుత్వాన్ని నిలదీయాలని అన్నారు. మహిళలకిచ్చిన వాగ్ధానాలను నెరవేర్చాలని కొట్లాడాలన్నారు కేసీఆర్. ఆరు గ్యారంటీ ల అమలు లో ప్రభుత్వం అనుసరిస్తున్న మోసపూరిత వైఖరిని నిలదీయాలన్నారు.
విద్యార్థుల ఓవర్సీస్ స్కాలర్షిప్ లు విడుదల చేయక పోవడం గురించి, వైద్య రంగంలో దిగజారుతున్న ప్రమాణాలు, తదితర ప్రజా సమస్యలపై ఎండ గట్టాలన్నారు. దళిత బంధును నిలిపి వేయడం పట్ల ప్రశ్నించాలన్నారు కేసీఆర్. గొర్రెల పెంపకం.. చేపల పంపిణీ సమగ్ర అమలు కోసం.. అసెంబ్లీ, మండలి లో ప్రభుత్వాన్ని నిలదీయాలన్నారు.
కాంగ్రెస్ ప్రభుత్వ పాలనలో రాష్ట్ర ప్రజలు పడుతున్న కష్టాలను, వారి ఆకాంక్షలను అర్థం చేసుకొని వారి గొంతుకగా BRS సభ్యులు ఉభయ సభల్లో ప్రభుత్వాన్ని పశ్నించాలని అధినేత కేసీఆర్ దిశా నిర్దేశం చేశారు. సభల్లో ఇంకా ప్రతిభావంతంగా ప్రజాసమస్యల మీద పోరాడేందుకు సభ్యులను ఎప్పటికప్పుడు సమన్వయం చేసుకునేందుకు డిప్యూటీ లీడర్లను నియమించనున్నట్టు కేసీఆర్ తెలిపారు.
