మాజీ ప్ర‌ధాని మన్మోహన్ సింగ్ ఇక లేరు
దిగ్గ‌జ నేత‌ను కోల్పోయిన భారత దేశం
హైద‌రాబాద్ – భారత దేశ మాజీ ప్ర‌ధాన‌మంత్రి డాక్ట‌ర్ మన్మోహన్ సింగ్ క‌న్ను మూశారు. ఆయ‌న గ‌త కొంత కాలంగా అనారోగ్యంతో బాధ ప‌డుతున్నారు. ఆయ‌న వ‌య‌సు 92 ఏళ్లు. ఆద్యంత‌మూ వివాద ర‌హితుడిగా పేరు పొందారు. ప‌దేళ్ల పాటు పీఎంగా పని చేశారు. ఆర్థిక మంత్రిగా చెర‌గ‌ని ముద్ర వేశారు. సుదీర్ఘ కాలం పాటు పని చేసిన ప్ర‌ధాన‌మంత్రుల‌లో ఆయ‌న కూడా ఒక‌రు.
త‌న కెరీర్ లో ఎన్నో ఉన్న‌త‌మైన ప‌ద‌వులు నిర్వ‌హించారు. ప్ర‌పంచంలో అత్యున్న‌త‌మైన ఆర్థిక‌వేత్త‌ల‌లో డాక్ట‌ర్ మన్మోహన్ సింగ్ ఉన్నారు. 1982-1985 వరకు రిజ‌ర్వ్ బ్యాంక్ ఆఫ్ ఇండియా గవర్నర్ గా, ప్రణాళిక సంఘం ఉపాధ్యక్షుడిగా కూడా పని చేశారు. రాజ్య స‌భ స‌భ్యుడిగా, ప్ర‌ధాన ప్ర‌తిప‌క్ష నేత‌గా త‌న పాత్ర నిర్వ‌హించారు డాక్ట‌ర్ మన్మోహన్ సింగ్.
ఆయ‌న దేశానికి అందించిన విశిష్ట సేవ‌ల‌కు గాను 1987లో ప‌ద్మ విభూష‌ణ్ పుర‌స్కారం పొందారు. అంతే కాదు 1993లొ ఉత్తమ ఆర్థిక మంత్రిగా అవార్డు అందుకున్నారు. 2017 మన్మోహన్ సింగ్ కు ఇందిరా గాంధి ద‌క్కింది. 13వ భారత ప్రధానిగా సేవలందించిన మన్మోహన్ సింగ్ కు యావ‌త్ భారత జాతి మొత్తం విన‌మ్రంగా నివాళులు అర్పిస్తోంది.
