ఇస్రో వందో ప్రయోగం విజ‌య‌వంతం
శ్రీహరికోట: ఇస్రో వందో ప్రయోగం శ్రీహరికోట వేదికగా జరిగింది. శాస్త్రవేత్తలు షార్‌ నుంచి జీఎస్ఎల్వీ-ఎఫ్15 రాకెట్‌ను ప్రయోగించారు. ఈ రాకెట్ ఎన్‌వీఎస్‌-02 ఉపగ్రహాన్ని తీసుకొని నింగిలోకి దూసుకెళ్లింది. ఎన్‌వీఎస్‌-02 ఉపగ్రహాన్ని ఇస్రో శాస్త్రవేత్తలు స్వ‌యంగా అభివృద్ది చేశారు. దీని బరువు 2,250కిలోలు. ఇది కొత్తతరం నావిగేషన్‌ ఉపగ్రహాల్లో రెండోది కావ‌డం విశేషం. ఇస్రో అధిపతిగా బాధ్యతలు చేపట్టిన వి.నారాయణన్‌ను ప్ర‌త్యేకంగా అభినందించారు ప్ర‌ధాన‌మంత్రి న‌రేంద్ర మోడీ.
భార‌తీయ అంతరిక్ష రంగంలో కీల‌క మైలు రాయి అని చెప్ప‌క త‌ప్ప‌దు. భారత అంతరిక్ష పరిశోధన సంస్థ (ఇస్రో) ఉదయం 6:23 గంటలకు ఆంధ్రప్రదేశ్‌లోని శ్రీహరికోటలో NVS-02ను ప్ర‌యోగించింది. జీఎస్ఎల్వీ – ఎఫ్ – 15ను నింగిలోకి పంపించింది విజ‌య‌వంతంగా. నారాయ‌ణ‌న్ కు ఇది తొలి స‌క్సెస్ కావ‌డంతో సంతోషం వ్య‌క్తం చేశారు. కొత్త సంవ‌త్స‌రంలో తొలి ప్రయోగం ఇది.
ఈ ఉపగ్రహాన్ని అవసరమైన (GTO) కక్ష్యలోకి ఖచ్చితంగా ప్రవేశ పెట్టారు. అంద‌రి స‌మిష్టి కృషి వల్ల‌నే ఇది సాధ్య‌మైంద‌న్నారు ఇస్రో చీఫ్‌. కాగా శ్రీహరికోట నుండి బయలుదేరిన మొదటి పెద్ద రాకెట్ ఆగస్టు 10, 1979న ఉపగ్రహ ప్రయోగ వాహనం (SLV). దాదాపు 46 సంవత్సరాల తరువాత అంతరిక్ష శాఖ శతాబ్దాన్ని పూర్తి చేసింది. ఇప్పటి వరకు శ్రీహరికోటలో జరిగే అన్ని పెద్ద రాకెట్ ప్రయోగాలను భారత ప్రభుత్వం చేపట్టింది.
కాగా ఇప్పటి వరకు 16 ప్రయోగాలలో 6 వైఫల్యాలు సంభవించాయి, ఇది 37 శాతం భారీ వైఫల్య రేటు. భారతదేశం తాజా బాహుబలి రాకెట్‌తో పోలిస్తే లాంచ్ వెహికల్ మార్క్ -3 వంద శాతం విజయ రేటును కలిగి ఉంది.
ఇది క్రయోజెనిక్ ఇంజిన్‌ల తయారీలో భారతదేశం తన సహజ నైపుణ్యాన్ని ప్రదర్శించిన అదే కుటుంబానికి చెందిన రాకెట్, దీని సాంకేతిక బదిలీని USA ఒత్తిడితో రష్యా భారతదేశానికి నిరాకరించిన తర్వాత దేశం నైపుణ్యం సాధించడానికి రెండు దశాబ్దాలు పట్టింది.
