చంద్ర‌బాబుతో జేపీ న‌డ్డా భేటీ
రాష్ట్ర మంత్రివ‌ర్గంపై చ‌ర్చ‌లు
అమ‌రావ‌తి – ఏపీలో కొత్త‌గా ఏర్పాటు కాబోయే టీడీపీ కూట‌మి ఆధ్వ‌ర్యంలో కొత్త‌గా కొలువు తీరే మంత్రివ‌ర్గంపై ఉత్కంఠ‌కు తెర ప‌డింది. ఒక రోజు ముందుగానే బిజేపీలో ట్ర‌బుల్ షూట‌ర్ గా పేరు పొందిన కేంద్ర హోం శాఖ మంత్రి అమిత్ చంద్ర షా తో పాటు జేపీ న‌డ్డా, బీఎల్ సంతోష్ హాజ‌ర‌య్యారు. వీరిని సాద‌రంగా ఆహ్వానించారు నారా చంద్ర‌బాబు నాయుడు.
త‌న నివాసంలో వీరితో పాటు బీజేపీ చీఫ్ ద‌గ్గుబాటి పురందేశ్వ‌రి కూడా ఉన్నారు. చివ‌ర‌కు 24 మందిని ఖ‌రారు చేశారు. రాష్ట్రంలో బ‌ల‌మైన సామాజిక వర్గాల‌కు ప్రాధాన్య‌త ఇస్తూనే త‌మ వారికి చోటు ద‌క్కించేలా చేయ‌డంలో కీల‌క పాత్ర పోషించారు అమిత్ చంద్ర షా.
ఇక భార‌తీయ జ‌న‌తా పార్టీకి కూడా మంత్రివ‌ర్గంలో చోటు క‌ల్పించేందుకు క‌స‌ర‌త్తు చేశారు జేపీ న‌డ్డా. రాబోయే రోజుల్లో త‌మ‌కు కూడా ప్రాధాన్య‌త ఉండేలా చూడాల‌ని సూచించారు. దీంతో స‌త్య కు ఛాన్స్ ద‌క్కిన‌ట్టు స‌మాచారం.
