గోవింద రాజస్వామి ఆలయంలో జ్యేష్ఠాభిషేకం
జూలై 18 వరకు జ‌ర‌గ‌నున్న ఉత్స‌వాలు
తిరుపతి – తిరుపతి శ్రీ గోవింద రాజ స్వామి ఆలయంలో జూలై 16 నుండి 18వ తేదీ వరకు మూడు రోజుల పాటు జ్యేష్ఠాభిషేకం (అభిధేయక అభిషేకం) జరుగనుంది. శ్రీదేవి, భూదేవి సమేత శ్రీ గోవింద రాజ స్వామి వారి ఉత్సవ మూర్తులకు ఏడాదికి ఒక‌సారి స్వర్ణ కవచాలను తొలగించి శుద్ధి చేసి తిరిగి అమర్చుతారు.
ఇందులో భాగంగా జూలై 16న కవచాధివాసం, జూలై 17న కవచ ప్రతిష్ఠ, జూలై 18న కవచ సమర్పణ నిర్వహిస్తారు. ఈ ఉత్సవం సందర్భంగా మూడు రోజుల పాటు ఉదయం మహాశాంతి హోమం, పుణ్యా హవచనం చేపడతారు.
ఉదయం 10 గంటలకు స్వామి, అమ్మవారి ఉత్సవ మూర్తులకు స్నపన తిరుమంజనం, మధ్యాహ్నం శతకలశ స్నపనం, సాయంత్రం వీధి ఉత్సవం నిర్వహిస్తారు. ప్రతి ఏడాదీ ఆషాడ మాసం, జ్యేష్ఠా నక్షత్రం రోజున ఆలయంలో జ్యేష్ఠాభిషేకం నిర్వహించ‌డం ఆన‌వాయితీగా వ‌స్తోంది.
ఈ విష‌యాన్ని తిరుమ‌ల తిరుపతి దేవ‌స్థానం ప్ర‌క‌టించింది. భ‌క్తుల‌కు ఎలాంటి ఇబ్బందులు లేకుండా స‌దుపాయాలు ఏర్పాటు చేయాల‌ని ఆదేశించారు ఈవో జె. శ్యామ‌ల రావు ఆదేశించారు.
