ఆప్ కు ఖ‌లీస్తానీల నిధులు
బాంబు పేల్చిన టెర్ర‌రిస్ట్
న్యూఢిల్లీ – దేశ వ్యాప్తంగా సంచ‌ల‌నం సృష్టించిన ఢిల్లీ లిక్క‌ర్ స్కామ్ కేసులో అరెస్ట్ అయిన ఆప్ చీఫ్‌, సీఎం అర‌వింద్ కేజ్రీవాల్ కు కోలుకోలేని షాక్ త‌గిలింది. ఇప్ప‌టికే ఇదే కేసుకు సంబంధించి ఈడీ కీల‌క ఆధారాలు సేక‌రించింది. లిక్క‌ర్ పాల‌సీ కేసులో క‌ల్వ‌కుంట్ల క‌వితతో పాటు కేజ్రీవాల్ కీల‌క పాత్రుదారులంటూ బాంబు పేల్చింది. ఇది విచార‌ణ కొన‌సాగుతుండ‌గానే మ‌రో సంచ‌ల‌న వార్త వెలుగు చూసింది.
ప్ర‌త్యేక ఖ‌లిస్తానీ ఉద్య‌మం పేరుతో ప్ర‌పంచ వ్యాప్తంగా కొన్ని టెర్ర‌రిస్టు గ్రూపులు ప‌ని చేస్తున్నాయి. భార‌త్ కు వ్య‌తిరేకంగా ప్ర‌చారం ప్రారంభించాయి. ఇదిలా ఉండ‌గా 2014-22 మధ్య కాలంలో ఖ‌లిస్తానీ గ్రూపులు ఆమ్ ఆద్మీ పార్టీకి ఏకంగా 16 బిలియ‌న్ల నిధుల‌ను ఇచ్చాయ‌ని సంచ‌ల‌న ఆరోప‌ణ‌లు చేశారు అమెరికాకు చెందిన ఖ‌లిస్తానీ టెర్ర‌రిస్టు గురుప‌త్వంత్ సింగ్ ప‌స్నూన్ .
డ‌బ్బులు ఇచ్చినందుకు గాను ఉగ్ర‌వాది భుల్ల‌ర్ ను విడుద‌ల చేస్తానంటూ కేజ్రీవాల్ ఇందుకు బంప‌ర్ ఆఫ‌ర్ ఇచ్చార‌ని తెలిపారు. ఇదిలా ఉండ‌గా భుల్ల‌ర్ 1993లో ఢిల్లీ బాంబు పేలుళ్ల దోషిగా ఉన్నారు.
