శ్రీ‌కారం చుట్టిన చైర్మన్ నాయుడు
తిరుమ‌ల – టీటీడీ సంచ‌ల‌న నిర్ణ‌యం తీసుకుంది. భక్తులకు మేలు చేకూర్చేలా అన్న ప్ర‌సాదంలో మ‌రో ఐటంను చేర్చింది. తిరుమలలోని తరిగొండ వెంగమాంబ అన్న ప్రసాద భవనంలో గురువారం టీటీడీ ఈవో జె.శ్యామలరావు, అదనపు ఈవో శ సి.హెచ్.వెంకయ్య చౌదరిలతో కలిసి టిటిడి ఛైర్మన్ భక్తులకు వడ వడ్డింపు కార్యక్రమాన్ని ప్రారంభించారు. తాను బాధ్య‌త‌లు స్వీక‌రించాక అన్నంతో పాటు అద‌నంగా మ‌రో ప‌దార్థం వ‌డ్డించాలనే ఆలోచ‌న క‌లిగింద‌న్నారు. ఈ విష‌యాన్ని సీఎం చంద్ర‌బాబుకు చెప్పాన‌ని, ఆయ‌న ఓకే చెప్పార‌ని తెలిపారు.
ఈ సందర్భంగా చైర్మన్ బీఆర్ నాయుడు మాట్లాడారు. వెంట‌నే సీఎం అనుమ‌తితో వడల వడ్డింపు కార్యక్రమాన్ని ఇవాల్టి నుండి ప్రారంభించడం జ‌రిగింద‌న్నారు. ఇప్పటికే భక్తులకు నాణ్యమైన దినుసులతో భక్తులకు రుచికరమైన అన్న ప్రసాదాలు అందిస్తున్నట్లు టీటీడీ చైర్మన్ బీ.ఆర్.నాయుడు తెలియజేశారు.
భక్తులకు పంపిణీ చేసే వడ తయారీలో శెనగపప్పు, పచ్చి మిర్చి, అల్లం, కరివేపాకు, కొత్తిమీర, పొదీన, సోంపును ఉపయోగిస్తున్న‌ట్లు చెప్పారు. అన్న ప్రసాద కేంద్రంలో ఇకపై ప్రతిరోజూ ఉదయం 10.30 గంటల నుండి సాయంత్రం 4 గంటల వరకు 35 వేల వడలను భక్తులకు వడ్డించనున్నట్లు తెలిపారు. భవిష్యత్తులో ఈ సంఖ్యను మరింతగా పెంచి భక్తులకు రుచికరమైన భోజనం అందిస్తామని తెలిపారు.
ఈ కార్యక్రమంలో టిటిడి బోర్డు సభ్యులు శాంతా రామ్, డిప్యూటీ ఈవోలు లోకనాథం, రాజేంద్ర, క్యాటరింగ్ ప్రత్యేక అధికారి శాస్త్రి, ఇతర అధికారులు పాల్గొన్నారు.
