ఆయన మ‌ర‌ణం ప‌ట్ల సీఎం సంతాపం
హైదరాబాద్ – ప్రపంచ ముస్లింల ఆధ్యాత్మిక గురువు, పద్మ విభూషణ్‌ గ్రహీత ఆగా ఖాన్ మృతి చెందారు.
సామాజిక వేత్త‌గా, మాన‌వ‌తావాదిగా పేరు పొందారు. ఆగాఖాన్ నెట్ వర్క్ ద్వారా వివిధ దేశాల్లో ఆస్పత్రులు, విద్యా, సాంస్కృతిక సంస్థలను నెలకొల్పి మానవాళికి విశిష్ట సేవలు అందించారు. వేలాది మంది విద్యార్థుల‌కు విద్యా దానం చేశారు. ఉన్న‌త‌మైన చ‌దువులు చ‌దివేందుకు దోహ‌ద ప‌డ్డారు ఆగా ఖాన్. ఆయన మృతి ప‌ట్ల సీఎం ఎ. రేవంత్ రెడ్డి సంతాపం వ్య‌క్తం చేశారు.
పదరిక నిర్ములన, వారసత్వ సంపద పరిరక్షణకు, వైద్య సేవలు, విద్యా రంగంలో ఆయన అందించిన సేవలు మరిచి పోలేనివి. హైదరాబాద్ కేంద్రంగా ఆగా ఖాన్ సంస్థలు నిర్వహిస్తున్న కార్యక్రమాలు ఎంతో గొప్పవని ముఖ్యమంత్రి అభిప్రాయపడ్డారు. ఆయన జీవితాంతం మానవ జాతి గౌరవం పెంచే ఉన్నత విలువలను ఆచరించారని కొనియాడారు. వారి వారసులకు, కుటుంబ సభ్యులకు, అనుచరులకు ముఖ్యమంత్రి ప్రగాఢ సానుభూతి తెలిపారు.
20 సంవత్సరాల వయసులో హార్వర్డ్ అండర్ గ్రాడ్యుయేట్‌గా ప్రపంచంలోని మిలియన్ల మంది ఇస్మాయిలీ ముస్లింలకు ఆధ్యాత్మిక నాయకుడిగా మారి, అభివృద్ధి చెందుతున్న దేశాలలో ఇళ్ళు, ఆసుపత్రులు, పాఠశాలలను నిర్మించడానికి బిలియన్ల డాలర్లను ఖ‌ర్చు చేశారు ఆగా ఖాన్. ఆయన వ‌య‌సు 88 ఏళ్లు.
ఆయన అనుచరులు ప్రవక్త ముహమ్మద్ ప్రత్యక్ష వారసుడిగా భావిస్తారు. దశాబ్దాలుగా, ఆగా ఖాన్ ఒక వ్యాపారవేత్తగా , దాతగా పరిణామం చెందాడు. “అసాధారణ కరుణామయుడైన ప్రపంచ నాయకుడు” అని కెనడా ప్రధాన మంత్రి జస్టిన్ ట్రూడో పేర్కొన్నారు.
