హైద‌రాబాద్ లోని అపోలో ఆస్ప‌త్రిలో
హైద‌రాబాద్ – డిప్యూటీ సీఎం పవన్ కళ్యాణ్ గ‌త కొంత కాలంగా అనారోగ్యంతో బాధ ప‌డుతున్నారు. మంగ‌ళ‌గిరి నుంచి హైద‌రాబాద్ కు విచ్చేశారు. స్థానిక అపోలో ఆస్ప‌త్రిలో చేరారు. ఆరోగ్యానికి సంబంధించి వైద్య పరీక్షలు చేయించుకున్నారు. అపోలో లోని వైద్య బృందం స్కాన్‌లతో సహా వివిధ పరీక్షలు నిర్వహించి, నివేదికలను పరిశీలించింది.
వారి అంచనా ఆధారంగా, వైద్యులు పవన్ కళ్యాణ్‌కు అనేక వైద్య సిఫార్సులను అందించారు. అదనపు పరీక్షలు నిర్వహించాల్సిన అవసరం ఉందని వారు సూచించారు.ఈ నెలాఖరు లోగా లేదా మార్చి మొదటి వారంలో మిగిలిన వైద్య పరీక్షలు చేయించు కోవాలని పవన్ కళ్యాణ్ నిర్ణయించారు.
ఈలోగా, ఫిబ్రవరి 24న ప్రారంభమయ్యే ఆంధ్రప్రదేశ్ అసెంబ్లీ బడ్జెట్ సమావేశానికి ఆయన హాజరు కానున్నారు. మ‌రో వైపు త‌న త‌ల్లి అంజ‌నాదేవి ఆరోగ్యం గురించి కూడా వాక‌బు చేశారు. శాస‌న స‌భ స‌మావేశాల‌కు ముందు పవన్ కళ్యాణ్ ఆధ్వ‌ర్యంలో జ‌న‌సేన పార్టీ కీల‌క స‌మావేశం జ‌ర‌గ‌నుంది.
