సిఫార్సు చేసిన కేంద్ర ప్రభుత్వం
న్యూఢిల్లీ – శాంతి భ‌ద్ర‌త‌లను కాపాడ‌డంలో బీరేన్ సింగ్ నేతృత్వంలోని ప్రభుత్వం ఘోరంగా విఫ‌లమైంద‌ని, అందుకే రాష్ట్రపతి పాలన విధిస్తున్న‌ట్లు సంచ‌ల‌న ప్ర‌క‌ట‌న చేసింది కేంద్ర ప్రభుత్వం. ఈ మేర‌కు రాష్ట్రపతి ద్రౌప‌ది ముర్ముకు గవర్నర్ ఇచ్చిన నివేదిక ఆధారంగా సిఫార్సు చేసింది. ఈ మేర‌కు రాష్ట్రపతి భ‌వ‌న్ అధికారికంగా ఉత్త‌ర్వులు జారీ చేసింది. ఈనెల 9న సీఎం బీరేన్ సింగ్ త‌న ప‌ద‌వికి రాజీనామా చేశారు. రాజీనామా లేఖ‌ను గవర్నర్ కు రాజ్ భ‌వ‌న్ లో అంద‌జేశారు.
రాష్ట్రంలో కొనసాగుతున్న జాతి హింస, రాజకీయ అస్థిరత కారణంగా ఈ నిర్ణయం తీసుకోవ‌డం జ‌రిగింద‌ని కేంద్రం స్ప‌ష్టం చేసింది. దీని వలన రాష్ట్ర ప్రభుత్వం రాజ్యాంగ నిబంధనల ప్రకారం పనిచేయలేక పోయిందంటూ పేర్కొంది.
మే 2023 నుండి మణిపూర్‌లో మెజారిటీ మెయిటీ కమ్యూనిటీ, మైనారిటీ కుకి-జో తెగల మధ్య తీవ్రమైన జాతి ఘర్షణలు జరుగుతున్నాయి. ఈ సంఘర్షణ ఫలితంగా కనీసం 250 మంది మరణించారు. వేలాది మంది నిరాశ్రయులయ్యారు. మైటీ వర్గానికి ఆర్థిక ప్రయోజనాలు, ఉద్యోగ కోటాలను విస్తరించాలని కోర్టు ఇచ్చిన సూచనతో మొదట్లో హింస చెలరేగింది, ఇది కుకి-జో తెగలతో ఉద్రిక్తతలకు దారితీసింది.
భారతీయ జనతా పార్టీ (బిజెపి) సభ్యుడు ముఖ్యమంత్రి ఎన్. బిరెన్ సింగ్ సంక్షోభం నుంచి గ‌ట్టెక్కించ‌డంలో విఫ‌లం చెందారు. ఇక బీజేపీ వార‌సుడిపై ఏకాభిప్రాయం కుద‌ర‌క పోవ‌డంతో ప్రెసిడెంట్ రూల్ బెట‌ర్ అంటూ భావించింది పార్టీ హైక‌మాండ్.
భారత రాజ్యాంగంలోని ఆర్టికల్ 356 ప్రకారం, రాష్ట్ర ప్రభుత్వం రాజ్యాంగబద్ధంగా పనిచేయలేనప్పుడు రాష్ట్ర పరిపాలనపై కేంద్ర ప్రభుత్వం ప్రత్యక్ష నియంత్రణను చేపట్టడానికి రాష్ట్రపతి పాలన అనుమతిస్తుంది. మణిపూర్ విషయంలో, రాష్ట్ర అసెంబ్లీని సస్పెండ్ చేశారు . గవర్నర్, మాజీ అంతర్గత మంత్రిత్వ శాఖ అధికారి అజయ్ కుమార్ భల్లా, రాష్ట్రపతి తరపున రాష్ట్ర పరిపాలనను పర్యవేక్షిస్తారు.
