రేవ్ పార్టీలో సెల‌బ్రిటీలు..?
టాలీవుడ్ లో క‌ల‌క‌లం
హైద‌రాబాద్ – బెంగళూరులోని ఎలక్ట్రానిక్‌ సిటీ సమీపంలో రేవ్ పార్టీ జరిగింది. జీఆర్‌ ఫామ్‌హౌస్‌లో బర్త్‌ డే పార్టీ పేరుతో పెద్ద ఎత్తున రేవ్ పార్టీని నిర్వహించారు. ఈ రేవ్ పార్టీలో మందుతో పాటు పెద్ద ఎత్తున డ్రగ్స్ వాడకం కూడా జరిగింది.
జీఆర్‌ ఫామ్‌హౌస్‌ అనేది హైదరాబాద్‌‌కు చెందిన గోపాల్‌ రెడ్డికి చెందినదిగా పోలీసుల విచారణలో తేలింది.
రేవ్ పార్టీలో పోలీసులకు డ్రగ్స్, కోకైన్‌ లభ్యమయ్యాయి. దీనిలో ముఖ్యంగా తెలుగు రాష్టాలకు చెందిన వారే అధికంగా ఉన్నట్లు బెంగుళూరు పోలీసులు గుర్తించారు.
రేవ్ పార్టీలో తెలుగు సీనీ ఇండస్టీకి చెందిన వారు ఉన్నట్లు ఓ అంచ‌నాకు వ‌చ్చిన‌ట్టు టాక్. రేవ్ పార్టీలో ఎమ్మెల్యే కాకాణి గోవర్ధనరెడ్డి పేరుతో పాస్‌ ఉన్న కారు సైతం లభ్యమయ్యాయి. ఎలక్ట్రానిక్‌ సిటీ పోలీసులు కేసు నమోదు చేసి దర్యాప్తు చేస్తున్నారు. ఆ సినీ ప్రముఖులు ఎవరన్న విషయం మాత్రం ఇప్పటి వరకూ బయటకు రాలేదు.
కాగా టాలీవుడ్ న‌టి హేమ ఇందులో ఉన్నట్లు జోరుగా ప్ర‌చారం జరిగింది. దీనిని ఆమె ఖండించారు. తాను వెళ్ల లేద‌ని హైద‌రాబాద్ లో ఉన్నట్లు తెలిపారు.
