గోవిందరాజస్వామి గుడిలో జ్యేష్ఠాభిషేకం
జూలై 16 నుండి 18వ తేదీ వరకు
తిరుపతి – తిరుమ‌ల తిరుపతి దేవ‌స్థానం (టీటీడీ ) కీల‌క ప్ర‌క‌ట‌న చేసింది. టీటీడీ ఆధ్వ‌ర్యంలోని తిరుపతి శ్రీ గోవిందరాజస్వామి ఆలయంలో జూలై 16 నుండి 18వ తేదీ వరకు మూడు రోజుల పాటు జ్యేష్ఠాభిషేకం(అభిధేయక అభిషేకం) జరుగనుంది.
శ్రీదేవి, భూదేవి సమేత శ్రీ గోవిందరాజ స్వామి వారి ఉత్సవమూర్తులకు ఏడాదికోసారి స్వర్ణ కవచాలను తొలగించి శుద్ధి చేసి తిరిగి అమర్చుతారు.ఇందులో భాగంగా జూలై 16న కవచాధి వాసం, జూలై 17న కవచ ప్రతిష్ఠ చేపడతారు.
జూలై 18న కవచ సమర్పణ నిర్వహిస్తారు. ఈ ఉత్సవం సందర్భంగా మూడు రోజుల పాటు ఉదయం మహాశాంతి హోమం, పుణ్యాహ వచనం చేపడతారు. ఉదయం స్వామి, అమ్మ వారి ఉత్సవమూర్తులకు స్నపన తిరుమంజనం, మధ్యాహ్నం శతకలశ స్నపనం, సాయంత్రం వీధి ఉత్సవం నిర్వహిస్తారు. ప్రతి ఏడాదీ ఆషాడ మాసం, జ్యేష్ఠా నక్షత్రం రోజున ఆలయంలో జ్యేష్ఠాభిషేకం నిర్వహించడం ఆన‌వాయితీగా వ‌స్తోంది.
