9 నుండి యూర‌ప్ లో శ్రీనివాస కళ్యాణాలు
డిసెంబర్ 21వ తేదీ వరకు ఉత్స‌వాలు
తిరుపతి – టీటీడీ ఆధ్వర్యంలో ఈ ఏడాది నవంబర్, డిసెంబర్ నెలల్లో యూకే, ఐర్లాండ్, యూరప్‌లోని 8 దేశాల్లోని 13 నగరాల్లో శ్రీ శ్రీనివాస కళ్యాణాలను ఘనంగా నిర్వహించనున్నారు.
ఈ కార్యక్రమ నిర్వాహకులు శ్రీ సూర్య ప్రకాష్ వెలగా, శ్రీ కృష్ణ జవాజీ జర్మనీ, ఫ్రాంక్‌ఫర్ట్ నుండి టీటీడీ ఈవో జె శ్యామలరావును తిరుపతి పరిపాలన భవనంలోని ఈవో ఛాంబర్ లో మర్యాద పూర్వకంగా కలిసి, శ్రీనివాస కళ్యాణాలలో పాల్గొనాల్సిందిగా ఆహ్వానించారు.
అనంతరం వారు యూకే, ఐర్లాండ్, యూరప్‌లోని 8 దేశాల్లోని 13 నగరాల్లో నవంబర్ 9 నుంచి డిసెంబర్ 21 వరకు టీటీడీ సహకారంతో స్థానిక స్వచ్ఛంద, సాంస్కృతిక సంస్థలతో కలిసి ఏపీ ఎన్ ఆర్ టీ ఎస్ శ్రీనివాస కళ్యాణాలు నిర్వహించేందుకు సన్నాహాలు చేస్తున్నట్లు ఈవోకు తెలిపారు.
కాగా ఈ తిరు కళ్యాణ కార్యక్రమాలని టీటీడీ వేద పండితులు వైఖానస ఆగమ సంప్రదాయం ప్రకారం పూజలు నిర్వహించనున్నారు.
యూకే, ఐర్లాండ్ మరియు ఐరోపాలలో శ్రీనివాస కళ్యాణాల వివరాలు ఇలా ఉన్నాయి. నవంబర్ 9వ తేదీన బెల్ఫాస్ట్, ఐర్లాండ్ ల‌లో, 10వ తేదీన డబ్లిన్, ఐర్లాండ్ ల‌లో, 16వ తేదీన బేసింగ్‌స్టోక్, యూకే ల‌లో నిర్వ‌హిస్తారు.
నవంబర్ 17వ తేదీన ఐండ్‌హోవెన్, నెదర్లాండ్స్ ల‌లో , 23వ తేదీన హాంబర్గ్, జర్మనీ ల‌లో , 24న పారిస్ , ఫ్రాన్స్ ల‌లో, 30న వార్సా, పోలండ్ ల‌లో క‌ళ్యాణోత్స‌వాలు జ‌రుగుతాయి. డిసెంబర్ 1వ తేదీన స్టాక్ హోం, స్వీడ‌న్ ల‌లో, 7వ తేదీన మిల్ద‌న్ కీన్స్ ,యూకే ల‌లో, 8న గ్లౌసెస్ట‌ర్, యూకే, 14వ తేదీన ఫ్రాంక్ ఫ‌ర్డ్ , జర్మనీ, 15న బెర్లిన్, జ‌ర్మ‌నీల‌లో, 21న జ్యూరిచ్, స్విట్జ‌ర్లాండ్ ల‌లో శ్రీ వేంక‌టేశ్వ‌ర స్వామి ఉత్స‌వాలు నిర్వ‌హిస్తార‌ని తెలిపారు.
