150 మంది సేవకులకు పుర‌స్కారాలు
తాసుబెల్లి ఫౌండేషన్ ద్వారా బ‌హూక‌ర‌ణ
అక్క‌య్య పాలెం – రెండు దశాబ్దాలకు పైగా ఎంతో మందికి రక్తం అందించి తాసుబెల్లి ఫౌండేషన్ సంస్థ ప్రాణదాతలుగా నిలిచిందని జనసేన పార్టీ రాష్ట్ర ప్రధాన కార్యదర్శి తమ్మిరెడ్డి శివశంకర్ కొనియాడారు ఆదివారం అక్కయ్యపాలెం రైతు బజార్ వద్ద సాయి బాలాజి ఫంక్షన్ హోల్ లో వివిధ రాష్ట్రాల్లో రక్తదానము తో పాటు వివిధ రంగాల్లో విశేష సేవలు అందిస్తున్న 150 మంది సేవకులకు భారత సేవా రత్న పురస్కారాలను ప్రధానం చేశారు.
ఈ కార్యక్రమంలో శివ శంకర్ పాల్గొని ప్రసంగించారు. దేశవ్యాప్తంగా ఈ సంస్థ వినూత్న రీతిలో సేవలు అందిస్తుందన్నారు. అన్ని ప్రాంతాల్లోనూ రక్తదాన శిబిరాలు నిర్వహించి అవసరమైన ప్రతి ఒక్కరికి కూడా రక్తం అందజేయడం ఎంతో ప్రశంసనీయమన్నారు.
ఇటువంటి సంస్థ కార్యక్రమాల్లో పాల్గొనడం తన అదృష్టంగా భావిస్తున్నట్లు చెప్పారు. మాజీ శాసనసభ్యులు పంచకర్ల రమేష్ బాబు, తెదేపా నాయకుడు ఆడారి కిషోర్ కుమార్ లు పాల్గొని మాట్లాడారు.
తాసు బెల్లి ఫౌండేషన్ సేవలు స్ఫూర్తిదాయకం అన్నారు. సంస్థ గౌరవ అధ్యక్షులు, సింహాచలం దేవస్థానం ధర్మకర్తల మండలి సభ్యులు గంట్ల శ్రీనుబాబు మాట్లాడారు. దేశ వ్యాప్తంగా అనేక రాష్ట్రాలకు చెందిన సేవకులను సత్కరించు కోవడం తమ అదృష్టంగా భావిస్తున్నట్లు చెప్పారు.
రక్తదానం ప్రాణదానంతో సమానమని ఎంతోమంది 50 సార్లకు పైగా రక్తదానం చేసిన వారున్నారన్నారు.. సంస్థ చైర్మన్ శంకర్ నాయుడు మాట్లాడుతూ దేశ వ్యాప్తంగా సుమారు 150 మంది సేవకులను భారత సేవా రత్న పురస్కారాలతో సత్కరించు కోగలిగామన్నారు.
