శ్రీ‌వారికి పూజ‌లు చేసిన సీఎం, గవర్నర్
అమరావ‌తి – అమ‌రావ‌తిలోని వెంక‌ట పాలెంలో శ్రీ వేంక‌టేశ్వ‌ర స్వామి క‌ళ్యాణోత్స‌వం అంగ‌రంగ వైభోపేతంగా జ‌రిగింది. ఈ కార్య‌క్ర‌మానికి గవర్నర్ అబ్దుల్ న‌జీర్, సీఎం చంద్ర‌బాబు నాయుడు దంప‌తులు ముఖ్య అతిథులుగా హాజ‌ర‌య్యారు. ఈ సంద‌ర్బంగా వివిధ పీఠాధిపతుల నుండి ఆశీస్సులు అందుకున్నారు.
శ్రీనివాస కల్యాణం ఘనంగా పూర్తయిన తర్వాత తిరుమల శ్రీశ్రీశ్రీ పెద్ద జీయర్ స్వామి, శ్రీశ్రీశ్రీ చిన్న జీయర్ స్వామి, అహోబిలం పీఠాధిపతి శ్రీశ్రీశ్రీ శివస్వామి, శ్రీ కమలానంద స్వామి, ఇతర పీఠాధిపతుల నుండి ఆశీస్సులు పొందారు.
అంత‌కు ముందు గవర్నర్, సీఎంల‌కు ఘనంగా స్వాగతం ప‌లికారు టీటీడీ చైర్మ‌న్ బీఆర్ నాయుడు, ఈవో శ్యామ‌ల రావు, ఏఈవో వెంక‌య్య చౌద‌రి. స్వామి, అమ్మ వార్ల‌ను ద‌ర్శించుకున్న అనంత‌రం పూజ‌లు చేశారు. అర్చ‌న, హారతి, తీర్థాలు అంద‌జేశారు. పూజారులు ఆశీర్వ‌చ‌నం చేశారు. జీయర్ స్వాములు గవర్నర్, సీఎంల‌కు ఆశీస్సులు అందించారు.
అంత‌కు ముందు గవర్నర్ అబ్దుల్ న‌జీర్, ముఖ్యమంత్రి నారా చంద్ర‌బాబు నాయుడు దంప‌తులు స్వామి వారి ధ్వ‌జ స్తంభం, గ‌రుడ ఆళ్వార్ వ‌ద్ద న‌మ‌స్క‌రించారు. శ్రీవారి స‌న్నిధికి చేరారు. ఈ సందర్భంగా మహా మండపంలో రాష్ట్ర గవర్నర్, ముఖ్యమంత్రి వర్యులకు టిటిడి ఛైర్మన్, టిటిడి ఈవో , టిటిడి అదనపు ఈవో శ్రీవారి తీర్థ ప్రసాదాలు, శ్రీవారి చిత్రపటాలను అందించారు.
ఈ కార్యక్రమంలో శ్రీ శ్రీ పెద్ద జీయర్, శ్రీ శ్రీ చిన్న జీయర్, రాష్ట్ర దేవాదాయ శాఖ మంత్రి ఆనం రామనారాయణరెడ్డి, టిటిడి బోర్డు సభ్యులు జ్యోతుల నెహ్రూ, వేమిరెడ్డి ప్రశాంతి రెడ్డి, ప‌న‌బాక లక్ష్మీ, నన్నూరి నర్సిరెడ్డి, నన్నపనేని సదాశివరావు, ఎం.శాంతారాం, తమ్మిశెట్టి జానకి దేవి, సుచిత్ర ఎల్లా, ఎస్ నరేష్ కుమార్, జీ.భానుప్రకాష్ రెడ్డి తదితరులు పాల్గొన్నారు.
