శ్రీవారి హుండీ ఆదాయం రూ. 3.59 కోట్లు
తిరుమ‌ల – తిరుమ‌ల పుణ్య క్షేత్రం భ‌క్త బాంధ‌వుల‌తో కిట కిట లాడుతోంది. ఎక్క‌డ చూసినా గోవింద నామ స్మ‌ర‌ణ‌తో మారుమ్రోగుతోంది. గోవిందా గోవిందా శ్రీ‌నివాసా గోవిందా అంటూ ముందుకు సాగుతున్నారు. కాగా గ‌డిచిన 9 రోజుల‌లో 6,12,208 మంది భ‌క్తులు వైకుంఠ ద్వార ద‌ర్శ‌నం చేసుకున్నార‌ని తెలిపారు ఈవో శ్యామ‌ల రావు.
శ్రీ వేంక‌టేశ్వ‌ర స్వామి, శ్రీ అలివేలు మంగ‌మ్మ‌ల‌ను 83 వేల 806 మంది భ‌క్తులు దర్శించుకున్నార‌ని తెలిపారు. 23 వేల 352 మంది త‌ల‌నీలాలు స‌మ‌ర్పించారు. కానుక‌లు, విరాళాల రూపేణా రూ. 3.59 కోట్లు వ‌చ్చిన‌ట్లు వెల్ల‌డించారు.
స్వామి ద‌ర్శ‌నం కోసం 2 కంపార్టుమెంట్ల‌లో భ‌క్తులు వేచి ఉన్నార‌ని, ఎలాంటి టోకెన్లు లేని భక్తులకు క‌నీసం 6 గంట‌ల‌కు పైగా స‌మ‌యం ప‌డుతుంద‌న్నారు ఈవో. ఇదిలా ఉండ‌గా ఏప్రిల్ నెల కోటాకు సంబంధించి ఈనెల 24 వ‌ర‌కు టోకెన్లు, టికెట్లు, గ‌దుల బుకింగ్ ఆన్ లైన్ లో కేటాయించ‌డం జ‌రుగుతోంద‌న్నారు శ్యామ‌ల రావు.
మ‌రో వైపు యూపీలోని ప్ర‌యాగ్ రాజ్ లో అత్యంత ప్ర‌తిష్టాత్మ‌కంగా జ‌రుగుతున్న మ‌హా కుంభ మేళాలో టీటీడీ ఏర్పాటు చేసిన శ్రీవారి న‌మూనా ఆల‌యంలో ఘ‌నంగా పూజ‌లు జ‌రుగుతున్నాయ‌ని వెల్ల‌డించారు.
