శ్రీవారి హుండీ ఆదాయం రూ.4.15 కోట్లు
ద‌ర్శించుకున్న భ‌క్తుల సంఖ్య 57,880
తిరుమ‌ల – కోరిన కోర్కెలు తీర్చే కొంగు బంగారం తిరుమ‌ల పుణ్య క్షేత్రం. రోజు రోజుకు భ‌క్తుల సంఖ్య పెరుగుతోంది. తిరుమ‌ల తిరుప‌తి దేవ‌స్థానం (టీటీడీ) భ‌క్తుల‌కు ఎలాంటి ఇబ్బందులు లేకుండా చ‌ర్య‌లు చేప‌ట్టింది. టీటీడీ సిబ్బంది, ఉద్యోగుల‌తో పాటు శ్రీవారి సేవ‌కులు భ‌క్తుల సేవ‌లో నిమ‌గ్నం అయ్యార‌ని తెలిపారు టీటీడీ కార్య నిర్వ‌హ‌ణ అధికారి ఏవీ ధ‌ర్మా రెడ్డి.
తాజాగా శ్రీ వేంక‌టేశ్వ‌ర స్వామి, శ్రీ అలివేలు మంగ‌మ్మ‌ల‌ను 57 వేల 880 మంది భ‌క్తులు ద‌ర్శించుకున్నార‌ని పేర్కొన్నారు. శ్రీ‌వారికి 19 వేల 772 మంది భ‌క్తులు త‌ల నీలాలు స‌మ‌ర్పించార‌ని వెల్ల‌డించారు.
భ‌క్తులు నిత్యం స‌మ‌ర్పించే కానుక‌లు, విరాళాల రూపేణా శ్రీవారి హుండీ ఆదాయం రూ. 4.15 కోట్లు వ‌చ్చాయ‌ని టీటీడీ స్ప‌ష్టం చేసింది. ఇదిలా ఉండ‌గా ద‌ర్శ‌నం కోసం భ‌క్తులు 18 కంపార్ట్ మెంట్ల‌లో వేచి ఉన్నార‌ని తెలిపింది. ఎలాంటి టోకెన్లు లేకుండా స‌ర్వ ద‌ర్శ‌నం కోసం వేచి ఉన్న భ‌క్తుల‌కు క‌నీసం 15 గంట‌ల‌కు పైగా స‌మ‌యం ప‌డుతుంద‌ని పేర్కొంది టీటీడీ.
