వీడు మ‌గాడ్రా బుజ్జీ

చిత‌క్కొట్టిన హెడ్

న్యూఢిల్లీ – ఐపీఎల్ 2024లో ప‌రుగుల వ‌ర‌ద పారింది. మ‌రోసారి స‌న్ రైజ‌ర్స్ హైద‌రాబాద్ దంచి కొట్టింది. నిర్ణీత 20 ఓవ‌ర్ల‌లో 266 ప‌రుగుల భారీ స్కోర్ సాధించింది. ఏ మాత్రం క‌నిక‌రం అన్న‌ది లేకుండా ఢిల్లీ బౌల‌ర్ల‌ను ఉతికి ఆరేశారు హైద్రాబాద్ బ్యాట‌ర్లు.

ట్రావిస్ హెడ్ , షాబాజ్ , అభిషేక్ శ‌ర్మ చుక్క‌లు చూపించారు. ఆకాశ‌మే హ‌ద్దుగా చెల‌రేగారు. ఇరు జ‌ట్లు క‌లిసి 465 ర‌న్స్ చేశాయి. ఇందులో 40 ఫోర్లు, 31 సిక్స్ లు ఉన్నాయి.

ఇక మ్యాచ్ విష‌యానికి వస్తే ట్రావిస్ హెడ్ 32 బంతులు ఎదుర్కొని 11 ఫోర్లు 6 సిక్స‌ర్ల‌తో విరుచుకు ప‌డ్డాడు. 89 ర‌న్స్ చేశాడు. అభిషేక్ శ‌ర్మ 12 బంతులలో 2 ఫోర్లు 6 సిక్స్ లు కొట్టాడు. షాబాజ్ అహ్మ‌ద్ 29 బంతులు ఆడి 2 ఫోర్లు 5 సిక్స‌ర్లతో 59 ర‌న్స్ చేసి నాటౌట్ గా నిలిచాడు.

అనంత‌రం బ‌రిలోకి దిగిన ఢిల్లీ క్యాపిట‌ల్స్ కూడా దాడి ప్రారంభించింది. ముఖ్యంగా బేక్ ఫ్రేజ‌ర్ 18 బంతులు ఎదుర్కొని 65 ర‌న్స్ చేశాడు. ఇందులో 5 ఫోర్లు 7 సిక్స్ లుఉన్నాయి. పంత్ 44 ప‌రుగులు చేస్తే అభిషేక్ శ‌ర్మ 42 ర‌న్స్ తో ఆక‌ట్టుకున్నారు. కానీ ఫ‌లితం లేకుండా పోయింది. హెడ్ కు ప్లేయ‌ర్ ఆఫ్ ది మ్యాచ్ అవార్డు ద‌క్కింది.