ఆగస్టులో తిరుమలలో విశేష ఉత్సవాలు

ప్ర‌క‌టించిన తిరుమ‌ల తిరుప‌తి దేవ‌స్థానం

తిరుమ‌ల – ఆగ‌స్టు నెల‌కు సంబంధించి తిరుమ‌ల తిరుప‌తి దేవ‌స్థానం పాల‌క మండ‌లి (టీటీడీ) కీల‌క ప్ర‌క‌ట‌న చేసింది. పుణ్య‌క్షేత్రంలో వ‌చ్చే నెల‌లో విశేష ఉత్స‌వాలు నిర్వ‌హించ‌నున్న‌ట్లు తెలిపారు ఈవో జె. శ్యామ‌ల రావు.

⁠ఆగస్టు 4న శ్రీ చక్రత్తాళ్వార్ వర్ష తిరునక్షత్రం, శ్రీ ప్రతివాది భయంకర అణ్ణంగరాచార్య వర్ష తిరునక్షత్రం ఉంటుంద‌ని పేర్కొన్నారు. 7న ఆండాళ్ తిరువాడిపురం శాత్తు మొర. శ్రీవారు పురిశైవారి తోటకు వేంచేపు చేస్తారు. 9న గరుడ పంచమి, తిరుమల శ్రీవారి గరుడ సేవ ఉంటుంద‌ని పేర్కొన్నారు ఈవో.

⁠ఆగస్టు 10న కల్కి జయంతి నిర్వ‌హిస్తామ‌ని, 13న తరిగొండ వెంగమాంబ వర్ధంతి. 14న తిరుమల శ్రీవారి పవిత్రోత్సవాలకు అంకురార్పణ చేస్తామ‌ని తెలిపారు. 15న భార‌త స్వాతంత్య్ర దినోత్స‌వం. స్మార్త ఏకాదశి. 15 నుంచి 17వ తేదీ వరకు శ్రీవారి ఆలయంలో పవిత్రోత్సవాలు నిర్వ‌హించ‌నున్న‌ట్లు వెల్ల‌డించారు ఈవో జె. శ్యామ‌లా రావు.

16న వరలక్ష్మీ వ్రతం. నారాయణగిరిలో ఛత్రస్థాపనోత్సవం, 19న శ్రావణ పౌర్ణమి. పౌర్ణమి గరుడ సేవ. రాఖీ పండుగ. హయగ్రీవ జయంతి. విఖ‌న‌స మ‌హాముని జ‌యంతి నిర్వ‌హిస్తామ‌ని తెలిపారు. 20న తిరుమల శ్రీవారు శ్రీ విఖనసాచార్య స్వామి సన్నిధికి వేంచేపు చేస్తారు. అనంత‌రం గాయ‌త్రీ జ‌పం ఉంటుంద‌ని తెలిపారు. . గాయత్రీ జపం. 27న శ్రీ‌కృష్ణాష్ట‌మి, తిరుమ‌ల శ్రీ‌వారి ఆస్థానం, 28న శ్రీ‌వారి శిక్యోత్స‌వం జ‌రుగుతుంద‌ని పేర్కొన్నారు ఈవో.