23న శ్రీవాణి టికెట్ల ఆన్ లైన్ కోటా రిలీజ్
ప్ర‌క‌టించిన ఈవో టీటీడీ జె. శ్యామ‌ల రావు
తిరుమల – తిరుమల తిరుప‌తి దేవ‌స్థానం పాల‌క మండ‌లి (టీటీడీ) ముఖ్య కార్య నిర్వ‌హ‌ణ అధికారి జె. శ్యామ‌ల రావు కీల‌క ప్ర‌క‌ట‌న చేశారు. శ్రీ‌వారి భ‌క్తుల‌కు శుభ వార్త చెప్పారు. న‌వంబ‌ర్ 23న అంగ ప్ర‌ద‌క్షిణం టోకెన్లు రిలీజ్ చేస్తున్న‌ట్లు తెలిపారు. శ‌నివారం ఉదయం 10 గంటలకు ఆన్ లైన్ లో విడుదల చేస్తామ‌న్నారు.
అంతే కాకుండా శ్రీవాణి ట్రస్టు టికెట్లకు సంబంధించిన ఫిబ్రవరి నెల ఆన్ లైన్ కోటాను నవంబరు 23వ తేదీ ఉదయం 11 గంటలకు టీటీడీ విడుదల చేయ‌నున్న‌ట్లు తెలిపారు ఈవో టీటీడీ.
వ‌యోవృద్ధులు, దివ్యాంగులు, దీర్ఘ‌కాలిక వ్యాధులున్న‌వారు తిరుమల శ్రీ‌వారిని ద‌ర్శించు కునేందుకు వీలుగా ఫిబ్రవరి నెల ఉచిత ప్రత్యేక ద‌ర్శ‌నం టోకెన్ల కోటాను 23న మధ్యాహ్నం 3 గంటలకు టీటీడీ ఆన్‌లైన్‌లో విడుదల చేయ‌నున్న‌ట్లు వెల్ల‌డించారు.
ఫిబ్రవరి నెల‌కు సంబంధించిన ప్రత్యేక ప్రవేశ దర్శన టికెట్ల కోటాను నవంబరు 25న ఉదయం 10 గంటలకు ఆన్ లైన్ లో విడుదల చేస్తామ‌ని తెలిపారు. తిరుమల, తిరుపతిల‌లో ఫిబ్రవరి నెల గదుల కోటాను నవంబరు 25న మధ్యాహ్నం 3 గంటలకు ఆన్‌లైన్‌లో విడుదల చేయ‌నున్న‌ట్లు పేర్కొన్నారు ఈవో.
https://ttdevasthanams.ap.gov.in వెబ్‌సైట్ ద్వారా శ్రీ‌వారి ఆర్జిత‌సేవ‌లు, దర్శన టికెట్లు బుక్ చేసుకోవాల‌ని కోరారు. మ‌ధ్య ద‌ళారీల‌ను ఆశ్ర‌యించ వ‌ద్ద‌ని భ‌క్తుల‌కు సూచించారు.
